ബംഗളൂരു: കര്ണാടകയില് ലോക്ക്ഡൗണില് ഇളവുകള് പ്രഖ്യാപിച്ചതിനെ തുടര്ന്ന് മദ്യവില്പ്പനശാലകള് തുറന്നതോടെ റെക്കോര്ഡ് മദ്യ വില്പ്പന. ഒരു ദിവസം കൊണ്ട് വിറ്റത് 45 കോടിയുടെ മദ്യം. സംസ്ഥാന എക്സൈസ് വകുപ്പാണ് ഇക്കാര്യം അറിയിച്ചത്. കോവിഡ് വ്യാപനത്തിന്റെ പശ്ചാത്തലത്തില് സംസ്ഥാനത്ത് 40 ദിവസത്തിനു ശേഷമാണ് മദ്യവില്പ്പനശാലകള് തുറന്നത്. ഹോട്ട് സ്പോട്ടുകള് ഒഴികെയുള്ളിടത്ത് രാവിലെ ഒന്പതു മുതല് രാത്രി ഏഴ് വരെയാണ് മദ്യഷോപ്പുകള് തുറന്നത്.
ചിലയിടങ്ങളില് ഒരു കിലോമീറ്റര് നീണ്ട ക്യു തന്നെ മദ്യം വാങ്ങുന്നതിനായി കാണാമായിരുന്നു. അതേസമയം തമിഴ്നാട്ടില് മദ്യവില്പ്പന ശാലകള് വ്യാഴാഴ്ച മുതല് തുറക്കുമെന്ന് സംസ്ഥാന സര്ക്കാര് ഉത്തരവിട്ടു. കണ്ടൈയ്ന്മെന്റ് സോണില് ഒഴികെയുള്ള ഷോപ്പുകള് തുറക്കുമെന്ന് ഉത്തരവില് വ്യക്തമാക്കുന്നു. റെഡ്സോണ് മേഖലയിലും മദ്യവില്പ്പനശാലകള് തുറക്കും.