കോഴിക്കോട് : എല്ജെഡി വിട്ടവര് സിപിഎമ്മിലേയ്ക്ക്. കൊടിയേരി അംഗത്വം നല്കി സ്വീകരിക്കും. എല്ജെഡി മുന് സംസ്ഥാന ജനറല് സെക്രട്ടറി ഷെയ്ഖ് പി ഹാരിസ് ഇന്ന് സിപിഎം അംഗത്വം സ്വീകരിക്കും. ഷെയ്ഖ് പി ഹാരിസിനെ കൂടാതെ എല്ജെഡി വിട്ട 14 പേരും ഇന്ന് സിപിഎമ്മില് ചേരും. എകെജി സെന്ററില്വെച്ചാകും അംഗത്വം സ്വീകരിക്കുക. സിപിഎം സംസ്ഥാന സെക്രട്ടറി കോടിയേരി ബാലകൃഷ്ണന് ഷെയ്ഖ് പി ഹാരിസിനെയും സഹപ്രവര്ത്തകരെയും സ്വീകരിക്കും.
എല്ജെഡി സംസ്ഥാന പ്രസിഡന്റ് എം.വി ശ്രേയാംസ് കുമാറിന്റെ നയങ്ങളോട് ഒത്തു പോവാന് ബുദ്ധിമുട്ടുണ്ടെന്ന് ചൂണ്ടിക്കാട്ടിയായിരുന്നു പ്രവര്ത്തകരുടെ രാജി. പുതിയ രാഷ്ട്രീയ നിലപാടുകള് വിശദീകരിക്കാന് തിങ്കളാഴ്ച ഉച്ചയ്ക്ക് 3.30ന് ഷെയ്ഖ് പി ഹാരിസ് മാധ്യമങ്ങളെ കാണുന്നുണ്ട്. ലോക് താന്ത്രിക് ജനതാദള് സംസ്ഥാന പ്രസിഡന്റ് എംവി ശ്രയംസ് കുമാര് തന്നെ വ്യക്തിപരമായി അധിക്ഷേപിക്കുന്നതായി കാണിച്ചായിരുന്നു അദ്ദേഹം പാര്ട്ടിയില് നിന്ന് രാജിവെച്ചത്. രാജിവച്ചശേഷം കോടിയേരി ബാലകൃഷ്ണനുമായി നേരത്തെ ഷെയ്ഖ് പി ഹാരിസ് കൂടിക്കാഴ്ച്ച നടത്തിയിരുന്നു.
