കുറ്റൂർ : തകർന്നുകിടക്കുന്ന മാമ്മൂട്ടിൽപ്പടി-ഏറ്റുകടവ് റോഡ് സഞ്ചാരയോഗ്യമാക്കാൻ നാട്ടുകാർ നേരിട്ട് രംഗത്തിറങ്ങി. ജനകീയ റോഡ് സംരക്ഷണസമിതി രൂപവത്കരിച്ചാണ് പ്രവർത്തനം. ആദ്യഘട്ടത്തിൽ 12 ലോഡ് പാറമട വേസ്റ്റ് ഇറക്കി റോഡിലെ വലിയ കുഴികൾ നിരപ്പാക്കി. ഞായറാഴ്ച മണ്ണുമാന്തിയന്ത്രം ഉപയോഗിച്ച് വഴിയരികിലെ കാടും അനധികൃതമായി കൈയേറി നട്ട സസ്യങ്ങളും നീക്കി. 10 വർഷമായി തകർന്നുകിടക്കുകയാണ് റോഡ്. ഏറ്റുകടവ് ഭാഗത്ത് റോഡിന് മുമ്പ് 25 അടി വീതിയുണ്ടായിരുന്നത് ഇപ്പോൾ പകുതിയായി ചുരുങ്ങിയെന്ന് സമിതി ഭാരവാഹികൾ പറയുന്നു. വലിയ കൈയേറ്റം തിരികെപ്പിടിക്കാൻ 149 പേർ ഒപ്പിട്ട നിവേദനം സബ് കളക്ടർക്ക് കൈമാറിയതായി സംരക്ഷണ സമിതി കൺവീനർ രാജു വാണിയാപുരയ്ക്കൽ, ട്രഷറാർ ബിജി എബ്രഹാം കറുകവേലിൽ എന്നിവർ അറിയിച്ചു. 12, 13 വാർഡുകളിലെ അതിർത്തി റോഡായ മാമ്മൂട്ടിൽപ്പടി റോഡ് അടിയന്തിരമായി സഞ്ചാര യോഗ്യമാക്കണമെന്ന് കോൺഗ്രസ് തലയാർ വാർഡ് കൺവെൻഷൻ ആവശ്യപ്പെട്ടു.
സംസ്ഥാന സര്‍ക്കാരിന്റെ ഇന്‍ഫര്‍മേഷന്‍ & പബ്ലിക് റിലേഷന്‍സ് ഡിപ്പാര്‍ട്ട്മെന്റിന്റെ (I&PRD) അംഗീകാരമുള്ള കേരളത്തിലെ 42 ഓണ്‍ ലൈന്‍ ചാനലുകളില്‍ ഒന്നും (മലയാള മനോരമ, ഏഷ്യാനെറ്റ്, മാത്രുഭൂമി തുടങ്ങിയവ ഉള്‍പ്പെടെ) പത്തനംതിട്ട, ഇടുക്കി ജില്ലകളിലെ ഏക അംഗീകൃത ഓണ്‍ലൈന്‍ ചാനലുമാണ് പത്തനംതിട്ട മീഡിയ. കേന്ദ്ര ഇന്‍ഫര്‍മേഷന്‍ & ബ്രോഡ്‌കാസ്റ്റിംഗ് മന്ത്രാലയത്തിന്റെ അംഗീകാരത്തോടെയാണ് പത്തനംതിട്ട മീഡിയയുടെ പ്രവര്‍ത്തനം. പുതിയ IT നിയമം അനുസരിച്ച് പരാതി പരിഹാരത്തിന് പ്രത്യേക സംവിധാനവും പത്തനംതിട്ട മീഡിയ ഒരുക്കിയിട്ടുണ്ട്. മറ്റുള്ള ചാനലുകള്‍ പോലെ സംസ്ഥാന വാര്‍ത്തകളോടൊപ്പം ദേശീയ, അന്തര്‍ദേശീയ വാര്‍ത്തകളും പ്രസിദ്ധീകരിക്കുന്ന ഓണ്‍ലൈന്‍ ന്യൂസ് പോര്‍ട്ടലാണ് പത്തനംതിട്ട മീഡിയ. വ്യാജ വാര്‍ത്തകളോ കെട്ടിച്ചമച്ച വാര്‍ത്തകളോ പത്തനംതിട്ട മീഡിയയില്‍ ഉണ്ടാകില്ല. വായനക്കാരുടെ അഭിപ്രായങ്ങള്‍ക്കും നിദ്ദേശങ്ങള്‍ക്കും മുന്തിയ പരിഗണന നല്‍കിക്കൊണ്ടാണ് മാനേജ്മെന്റ് മുമ്പോട്ടു പോകുന്നത്. ആപ്പ് പ്ലേ സ്റ്റോറില്‍ ലഭ്യമാണ്, തികച്ചും സൌജന്യമായി ഇത് ഡൌണ്‍ ലോഡ് ചെയ്യാം. https://play.google.com/store/apps/details?id=com.pathanamthitta.media&pcampaignid=pcampaignidMKT-Other-global-all-co-prtnr-py-PartBadge-Mar2515-1
