വിലക്ക് ലംഘിച്ച് ഈദ് ഗാഹ് : സാമൂഹിക അകലം പാലിക്കാതെ പങ്കെടുത്തത് അമ്പതിലധികം പേര്‍ ; കേസെടുത്ത് പോലീസ്

കാസര്‍ഗോഡ് : ലോക്ക്ഡൗൺ നിർദ്ദേശങ്ങൾ ലംഘിച്ച് കാസര്‍ഗോട്ട്  ഈദ് ഗാഹ് പരിപാടിയില്‍ അമ്പതിലധികം പേര്‍ പങ്കെടുത്തു. സുരക്ഷാ മാനദണ്ഡങ്ങളും സാമൂഹിക അകലവും പാലിക്കാതെയാണ് പരിപാടി നടന്നത്. സംഭവത്തില്‍ പോലീസ് കേസെടുത്തു. സ്വകാര്യ വ്യക്തിയാണ് മൗലവിയെ പങ്കെടുപ്പിച്ച്  പരിപാടി നടത്തിയത്. സ്വകാര്യ വ്യക്തിയുടെ വീട്ടിലാണ് ആഘോഷം സംഘടിപ്പിച്ചത്. സംഭവത്തില്‍ ബേക്കല്‍ കണ്ണംകുളം സ്വദേശി അബ്ദുറഹ്മാനെതിരെ പോലീസ് കേസെടുത്തു. കണ്ടാലറിയാവുന്ന എഴുപത് പേര്‍ക്കെതിരെയും പോലീസ് കേസെടുത്തിട്ടുണ്ട്.