പത്തനംതിട്ട : കോണ്ഗ്രസ് വിട്ടുവന്ന യുവനേതാവിനെ സ്ഥാനാര്ഥിയാക്കി പുത്തന് പരീക്ഷണത്തിന് പത്തനംതിട്ടയില് ബി.ജെ.പി. കോണ്ഗ്രസിന്റെ കേരളത്തിലെ ഡിജിറ്റല് മീഡിയ കോ-ഓര്ഡിനേറ്റര് പദവി വിട്ട് ബി.ജെ.പി.യിലെത്തിയ അനില് ആന്റണി പത്തനംതിട്ടയിലെ സ്ഥാനാര്ഥിയായത് അവസാനവട്ട ചര്ച്ചയിലാണ്.
കോണ്ഗ്രസിന്റെ ദേശീയനേതാവായ എ.കെ.ആന്റണിയുടെ മകന് മത്സരിക്കാന് സീറ്റ് ഉണ്ടാകുമെന്ന് ബി.ജെ.പി.യുടെ സ്ഥാനാര്ഥി ചര്ച്ചകളില് ഉയര്ന്നുകേട്ടിരുന്നെങ്കിലും ഒരാഴ്ച മുമ്പുവരെ ഈ പേര് പത്തനംതിട്ടയ്ക്കൊപ്പം ഇല്ലായിരുന്നു. ബി.ജെ.പി.യുടെ ദേശീയ സെക്രട്ടറിയും വക്താവുമായ അനില് ആന്റണി, തനിക്ക് മത്സരിക്കാന് ആവശ്യപ്പെട്ടിരുന്നതില് ഒരു സീറ്റ് പത്തനംതിട്ടയായിരുന്നെന്നും സൂചനകൾ ലഭിക്കുന്നു.
