തിരുവനന്തപുരം: കേരളത്തില് സില്വര്ലൈന് പദ്ധതി യാഥാര്ഥ്യമാകുമെന്ന് മുഖ്യമന്ത്രി പിണറായി വിജയന്. ലോക കേരള സഭയില് സംസാരിക്കുകയായിരുന്നു അദ്ദേഹം. കേരളത്തിലെ റോഡുകള് മികച്ചതാണ്. അരികൊമ്പനെ കൊണ്ടു പോയപ്പോഴാണ് എല്ലാവരും കേരളത്തിലെ മലമ്പ്രദേശങ്ങളിലെ റോഡുകള് നല്ല നിലയിലാണെന്ന് മനസ്സിലാക്കിയത്. വന്ദേഭാരത്തിന് നല്ല സ്വീകാര്യത ലഭിച്ചു. കെ റെയിലിനെ അട്ടിമറിക്കുന്ന നിലപാട് പല കോണുകളില് നിന്നും ഉണ്ടായി. പക്ഷെ കെ റെയില് യാഥാര്ഥ്യമാകുമെന്നും മുഖ്യമന്ത്രി പറഞ്ഞു.
നഗരവല്കരണം ഏറ്റവും വേഗത്തില് നടക്കുന്ന സംസ്ഥാനമാണ് കേരളം. ഇന്റര്നെറ്റ് ലഭ്യത ജനങ്ങളുടെ അവകാശമാണെന്നും അത് കെ ഫോണ് വഴി കേരളത്തില് സാക്ഷാത്കരിക്കപ്പെടുന്നുവെന്നും മുഖ്യമന്ത്രി പറഞ്ഞു. ശബരിമല വിമാനത്താവളം യാഥാര്ത്ഥ്യമാകും. അതിനുള്ള തത്വത്തില് കേന്ദ്രത്തില് നിന്ന് അനുമതി ലഭിച്ചു കഴിഞ്ഞു. എല്ലാ നിക്ഷേപവും കേരളത്തില് വരാന് പറ്റില്ല. പരിസ്ഥിതിക്ക് കോട്ടം തട്ടുന്ന ഒരു നിക്ഷേപവും സ്വീകരിക്കില്ല- മുഖ്യമന്ത്രി പറഞ്ഞു.
