കൊല്ലങ്കോട് : മംഗലം-ഗോവിന്ദാപുരം സംസ്ഥാനാന്തര പാതയിലെ മുതലമട മാഞ്ചിറയിൽ ലോറികൾ കൂട്ടിയിടിച്ചുണ്ടായ അപകടത്തിൽ ലോറി ഡ്രൈവർ മരിച്ചു. തമിഴ്നാട് ദിണ്ഡിഗൽ പുളിയൂരിൽ ജയപാൽ (40) ആണു മരിച്ചത്. ഇന്നു പുലർച്ചെ 12.30 മണിയോടെയാണ് അപകടം.
ഇടിയുടെ ആഘാതത്തിൽ ലോറിയുടെ മുൻഭാഗം തകർന്നതോടെ ക്യാബിനിൽ കുടുങ്ങി കിടന്ന ഇയാളെ ചിറ്റൂർ അഗ്നിരക്ഷാ നിലയത്തിൽ നിന്നും സോനാംഗങ്ങൾ എത്തിയാണു പുറത്തെടുത്തത്. പൊള്ളാച്ചിയിൽ നിന്നും എറണാകുളത്തേക്കു പച്ചക്കറി കയറ്റി വന്ന ലോറിയുടെ ഡ്രൈവറാണ് ജയപാൽ.