ഡല്ഹി: ഇന്ത്യയില് പ്രണയ വിവാഹങ്ങള് വര്ധിക്കുന്നതായി റിപ്പോര്ട്ട്. അന്താരാഷ്ട്ര കമ്പനിയായ ദി നോട്ട് വേള്ഡ്വൈഡിന്റെ ഇന്ത്യയിലെ ഉപസ്ഥാപനമായ വെഡിംഗ്വെയര് ഇന്ത്യ നടത്തിയ സര്വേയിലാണ് ഈ കണ്ടെത്തല്. വിവാഹ നിശ്ചയം കഴിഞ്ഞ യുവതി-യുവാക്കള്ക്കിടയിലും അടുത്തിടെ വിവാഹിതരായ ദമ്പതികളിലുമാണ് സര്വേ നടത്തിയത്.
ഇതിന് മുമ്പ് 2020-ല് നടത്തിയ സര്വേയില് 68 ശതമാനം പേരുടെ വിവാഹം നിശ്ചയിച്ചുറപ്പിച്ചതായിരുന്നു. എന്നാല് 2023ല് നടത്തിയ സര്വേയില് 44% ദമ്പതിമാര് മാത്രമാണ് അറേഞ്ച്ഡ് മാര്യേജ് തിരഞ്ഞെടുത്തത്. അതായത് മൂന്നു വര്ഷത്തിനുള്ളില് 24% കുറവാണുണ്ടായിരിക്കുന്നത്. സര്വേയില് പങ്കെടുത്ത അധികപേരും വിവാഹവുമായി ബന്ധപ്പെട്ട കാര്യങ്ങള് പ്ലാന് ചെയ്യുവാനായ ഓണ്ലൈന് പ്ലാറ്റ്ഫോമുകളെയാണ് ഉപയോഗിക്കുന്നതെന്നും റിപ്പോര്ട്ടില് പറയുന്നു.