തിരുവനന്തപുരം: അറബിക്കടലില് ന്യൂനമര്ദം രൂപപ്പെട്ടിരിക്കുന്ന സാഹചര്യത്തില് മത്സ്യത്തൊഴിലാളികള്ക്ക് ജാഗ്രതാ മുന്നറിയിപ്പ്. അടുത്ത 24 മണിക്കൂറില് ന്യൂനമര്ദം ചുഴലിക്കാറ്റായി മാറാന് സാധ്യതയുള്ളതായി കേന്ദ്ര കാലാവസ്ഥ വകുപ്പ് അറിയിച്ചു. അറബിക്കടല് പ്രക്ഷുബ്ധമായിരിക്കാന് സാധ്യതയുള്ളതിനാല് ഇനിയൊരു അറിയിപ്പ് ഉണ്ടാവുന്നത് വരെ കേരള തീരത്തു നിന്ന് മത്സ്യത്തൊഴിലാളികള് യാതൊരു കാരണവശാലും മത്സ്യബന്ധനത്തിനു പോകാന് പാടുള്ളതല്ല.
04.06.2023 മുതല് കേരള സംസ്ഥാന ദുരന്ത നിവാരണ അതോറിറ്റി പുറപ്പെടുവിച്ച നിര്ദേശം മറികടന്ന് ആരെങ്കിലും മത്സ്യബന്ധനത്തിന് പോയിട്ടുണ്ടെങ്കില് അവര് എത്രയും വേഗം അടുത്തുള്ള സുരക്ഷിത തീരത്തേക്ക് എത്തിച്ചേരേണ്ടതാണെന്നും അറിയിപ്പില് പറയുന്നു. അറബിക്കടലില് രൂപപ്പെട്ട ന്യൂനമര്ദം ‘ബിപോര്ജോയ്’ ചുഴലിക്കാറ്റായി മാറാന് സാധ്യതയുണ്ടെന്നാണ് മുന്നറിയിപ്പ്.
