തിരുവനന്തപുരം: കേന്ദ്ര വിദ്യാഭ്യാസമന്ത്രി ധർമേന്ദ്ര പ്രധാൻ രാജിവെച്ചത് ഇന്ത്യൻ രാഷ്ട്രീയത്തിലെ ശ്രദ്ധേയമായ സംഭവമാണെന്ന് സിപിഎം സംസ്ഥാന സെക്രട്ടറി എം.വി. ഗോവിന്ദൻ. രാജ്യത്തെ യുവജനങ്ങളും വിദ്യാർഥികളും നടത്തിയ പോരാട്ടമാണ് ഈ രാഷ്ട്രീയ മാറ്റത്തിന് വഴിവെച്ചതെന്നും അദ്ദേഹം പറഞ്ഞു. ഇന്ത്യയുടെ ചരിത്രത്തിൽ യുവജന വിഭാഗം പുതിയൊരു അധ്യായമാണ് എഴുതിയതെന്ന് എം.വി.ഗോവിന്ദൻ പറഞ്ഞു. പ്രതിഷേധങ്ങളെ അടിച്ചമർത്താൻ ആർ.എസ്.എസ്–ബി.ജെ.പി നേതൃത്വം ദേശവിരുദ്ധമെന്ന മുദ്രകുത്തിയും കേസുകളിലൂടെയും ഭീഷണിപ്പെടുത്താൻ ശ്രമിച്ചെങ്കിലും അതൊന്നും വിജയിച്ചില്ലെന്നും അദ്ദേഹം ആരോപിച്ചു.
രാജ്യത്തുടനീളം വലിയ ജനകീയ മുന്നേറ്റം സൃഷ്ടിക്കാൻ വിദ്യാർഥി പ്രക്ഷോഭത്തിന് കഴിഞ്ഞുവെന്നും അദ്ദേഹം പറഞ്ഞു. തുടക്കത്തിൽ സമരത്തോട് അകലം പാലിച്ചിരുന്ന കോൺഗ്രസ് ഉൾപ്പെടെയുള്ള പ്രതിപക്ഷ പാർട്ടികൾക്കും പിന്നീട് ഈ പ്രക്ഷോഭത്തെ പിന്തുണയ്ക്കേണ്ട സാഹചര്യം ഉണ്ടായെന്നും അദ്ദേഹം പറഞ്ഞു. വിദ്യാർഥി സംഘടനയായ CJP രാജ്യവ്യാപകമായി ശക്തമായ മുന്നേറ്റമാണ് കാഴ്ചവെച്ചതെന്നും, ജനാധിപത്യപരമായ പോരാട്ടത്തിന്റെ വിജയമാണ് ഇപ്പോൾ രാജ്യം കണ്ടതെന്നും എം.വി. ഗോവിന്ദൻ വ്യക്തമാക്കി.
