വീട്ടിൽ എപ്പോഴും കാരറ്റ് ഉണ്ടാകുമല്ലോ. ഒരു ഷേക്ക് കുടിക്കണമെന്ന് തോന്നിയാൽ കാരറ്റ് കൊണ്ട് കിടിലൻ ഷേക്ക് തയ്യാറാക്കാം. വളരെ കുറച്ച് ചേരുവകൾ കൊണ്ട് എളുപ്പം തയ്യാറാക്കാവുന്ന ഒരു ഹെൽത്തി ഷേക്ക്. വേവിച്ച കാരറ്റ് – 2 എണ്ണം, പഞ്ചസാര – 2 ടേബിൾ സ്പൂൺ, ഏലയ്ക്ക – 1 എണ്ണം, തണുത്ത പാൽ – 1 കപ്പ്, ഐസ്ക്രീം – 2 സ്കൂപ്പ്. ആദ്യം വേവിച്ച കാരറ്റും പഞ്ചസാരയും ഏലയ്ക്ക എന്നിവ ചേർത്ത് നന്നായി പേസ്റ്റ് പരുവത്തിൽ അരച്ചെടുക്കുക. ശേഷം അതിലേക്ക് തണുത്ത പാലും ഐസ്ക്രീമും ചേർത്ത് ഒന്നുകൂടെ അടിച്ചെടുക്കുക. ശേഷം ഗ്ലാസിലേക്ക് ഒഴിച്ച് പിസ്ത, ബദാം എന്നിവ പൊടിച്ചത് ചേർത്ത് അലങ്കരിക്കുക.
