പത്തനംതിട്ട : ഉപജീവനത്തിനായി സമരം ചെയ്യുന്ന മൽസ്യ തൊഴിലാളികളുടെ ന്യായമായ അവകാശങ്ങൾ സംരക്ഷിക്കപ്പെടുന്നുവെന്ന് സംസ്ഥാനത്തെ ജനാധിപത്യ സർക്കാർ ഉറപ്പു വരുത്തണമെന്ന് മലങ്കര കത്തോലിക്ക പത്തനംതിട്ട രൂപതാ അദ്ധ്യക്ഷൻ ഡോ.ശമുവേൽ മാർ ഐറേനിയോസ് മെത്രാപ്പോലിത്താ ആവശ്യപ്പെട്ടു. മലങ്കര കത്തോലിക്കാ സഭയുടെ ആഭിമുഖ്യത്തിൽ പത്തനംതിട്ട കളക്ട്രേറ്റിന് മുമ്പിൽ നടന്ന ധർണ്ണ ഉദ്ഘാടനം ചെയ്തു കൊണ്ട് സംസാരിക്കുകയായിരുന്നു.
യോഗത്തിൽ റജി താഴമൺ അദ്ധ്യക്ഷത വഹിച്ചു. ധർണ്ണയിൽ മലങ്കര കത്തോലിക്കാ അസോസിയേഷൻ പത്തനംതിട്ട രൂപതാ പ്രസിഡന്റ് തോമസ് എബ്രഹാം, അഡ്വ. കെ ജയവർമ്മ ,അഡ്വ. ലാലു ജോൺ ,പാസ്റ്റർ തോമസ്കുട്ടി പുന്നൂസ്, അബ്ദുൾ കലാം ആസാദ്, സാംകുട്ടി പാലയ്ക്കാ മണ്ണിൽ, തോമസ് ഡാനിയേൽ , മിനി സെബാസ്റ്റ്യൻ, ചെറിയാൻ ചെന്നിർക്കര, ബോബൻ താഴമൺ, അഭിനു മത്തായി, മഴവഞ്ചേരിൽ , മനോജ് കാത്തിരം നിൽക്കുന്നതിൽ, ജോർജ് വർഗ്ഗീസ് എന്നിവർ പ്രസംഗിച്ചു.