മലങ്കര ഓർത്തഡോക്സ് സഭ അൽമായ ട്രസ്റ്റിയായി റോണി വർഗീസ് എബ്രഹാമും വൈദിക ട്രസ്റ്റിയായി ഫാദർ ഡോക്ടർ തോമസ് വർഗീസ് അമയിലും തെരഞ്ഞെടുക്കപ്പെട്ടു

പത്തനംതിട്ട: മലങ്കര ഓർത്തഡോക്സ് സഭ അൽമായ ട്രസ്റ്റിയായി റോണി വർഗീസ് എബ്രഹാമും വൈദിക ട്രസ്റ്റിയായി ഫാദർ ഡോക്ടർ തോമസ് വർഗീസ് അമയിലും തെരഞ്ഞെടുക്കപ്പെട്ടു. ഇന്ന് പത്തനാപുരത്ത് ചേർന്ന സുറിയാനി ക്രിസ്ത്യാനി അസോസിയേഷൻ യോഗമാണ് ഇവരെ തെരഞ്ഞെടുത്തത്. മൗണ്ട് താബോർ ദയറായിൽ പരിശുദ്ധ മോറോൻ മാർ ബസേലിയോസ് മാർത്തോമാ മാത്യൂസ് തൃതീയൻ കാതോലിക്കാ ബാവായുടെ അദ്ധ്യക്ഷതയിൽ കൂടിയ മലങ്കര സുറിയാനി ക്രിസ്ത്യാനി അസോസിയേഷൻ തിരഞ്ഞടുത്തത്. ഓൺലൈൻ വഴി നടന്ന വോട്ടെടുപ്പിൽ ലോകത്തിൻ്റെ വിവിധ ഭാഗങ്ങളിൽ നിന്നുള്ള അസോസിയേഷൻ പ്രതിനിധികൾ പങ്കെടുത്തു. പോൾ ചെയ്തതിൽ ഭൂരിപക്ഷം വോട്ടിൻ്റെ അടിസ്ഥാനത്തിലാണ് വിജയികളെ പ്രഖ്യാപിച്ചത്. സഭയിലെ എല്ലാ മെത്രാപ്പോലീത്തമാരും സന്നിഹിതരായിരുന്നു.