കൊച്ചി : മലങ്കര ഓര്ത്തഡോക്സ് സുറിയാനി സഭ മുതിര്ന്ന മെത്രാപ്പൊലീത്തയും ചെങ്ങന്നൂര് ഭദ്രാസനാധിപനുമായ തോമസ് മാര് അത്തനാസിയോസിന്റെ മരണത്തില് പോലീസ് കേസ് രജിസ്റ്റര് ചെയ്തു. ഓര്ത്തഡോക്സ് സഭാ കാതോലിക്കാബാവ ഗീവര്ഗീസ് മാര് യൂലിയോ മെത്രാപോലീത്ത, ഓര്ത്തഡോക്സ് ചര്ച്ച് സെക്രട്ടറി ബിജു ഉമ്മന് എന്നിവരെ ഉള്പ്പെടുത്തിയാണ് കേസെടുത്തത്.
കൊലപാതകം, ഗൂഢാലോചന അടക്കമുള്ള വകുപ്പുകള് പ്രകാരമാണ് എഫ്ഐആര് രജിസ്റ്റര് ചെയ്തത്. മരണം കൊലപാതകമാണെന്ന് ചൂണ്ടികാട്ടി പുത്തന്കുരിശ് സ്വദേശി തോമസ് ടി പീറ്റര് നല്കിയ പരാതിയില് എറണാകുളം അഡീഷണല് ചീഫ് ജുഡീഷ്യല് മജിസ്ട്രേറ്റ് കോടതി നിര്ദ്ദേശ പ്രകാരമാണ് നോര്ത്ത് പോലീസ് കേസെടുത്തത്. 2018 ആഗസ്റ്റ് 24 ന് പുലര്ച്ചെയാണ് അത്തനാസിയോസ് എറണാകുളത്ത് ട്രെയിനില് നിന്ന് വീണ് മരിച്ചത്.
