ന്യൂഡല്ഹി : ഇന്ത്യയിലെ അതിസമ്പന്നരായ സ്ത്രീകളുടെ പട്ടികയില് മലയാളി തിളക്കം. 2021 ഡിസംബർ 31 വരെയുള്ള മൊത്തം ആസ്തിയെ അടിസ്ഥാനമാക്കിയാണ് പട്ടിക തയ്യാറാക്കിയത്.
ഇതിൽ മലയാളി സാന്നിധ്യമായി മൂന്ന് സ്ത്രീകളും ഉൾപ്പെട്ടിട്ടുണ്ട്. വിദ്യ വിനോദ്, അലീഷാ മൂപ്പൻ, ഷീല കൊച്ചൗസേപ്പ് എന്നിവരാണ് 100 ഇന്ത്യൻ സമ്പന്ന വനിതകളുടെ പട്ടികയിൽ ഇടം പിടിച്ചവർ. ദുബായ് കേന്ദ്രീകരിച്ച് പ്രവർത്തിക്കുന്ന സ്റ്റഡി വേൾഡ് എജ്യുക്കേഷൻ കമ്പനിയുടെ സ്ഥാപകയും സിഇഒയുമായ വിദ്യ വിനോദിന്റെ ആസ്തി 2,780 കോടിയാണ്. ലിസ്റ്റിൽ ഇരുപത്തി ഒന്നാം സ്ഥാനത്താണ് വിദ്യ. വി-സ്റ്റാർ മാനേജിംഗ് ഡയറക്ടർ ഷീലാ കൊച്ചൗസേപ്പ് ചിറ്റിലപ്പിള്ളിയ്ക്ക് 540 കോടിയുടെ ആസ്തിയുണ്ട്. പട്ടികയിൽ അൻപതിനാലാമതാണ് ഷീലാ കൊച്ചൗസേപ്പ്. ആസ്റ്റർ ഡിഎം ഹെൽത്ത് കെയർ ഡെപ്യൂട്ടി എംഡിയാണ് അലീഷാ മൂപ്പൻ. 410 കോടിയാണ് അലിഷാ മൂപ്പന്റെ ആസ്തി. ലിസ്റ്റിൽ അറുപത്തി രണ്ടാം സ്ഥാനത്താണ് അലീഷ.
100 പേരുടെ പട്ടികയിൽ ഇടം നേടണമെങ്കിൽ മിനിമം 300 കോടി രൂപയെങ്കലും ആസ്തി ഉണ്ടായിരിക്കണം എന്നാണ് നിബന്ധന. നേരത്തെ ഇത് 100 കോടി ആയിരുന്നു . എന്നാൽ ആദ്യത്തെ 10 പേരുടെ ലിസ്റ്റിൽ കയറി പറ്റണമെങ്കിൽ 6620 കോടിയുടെ ആസ്തിയുണ്ടായിരിക്കണമെന്നും പറയുന്നു. രാജ്യത്തിന്റെ വിവിധ ഭാഗങ്ങളിൽ നിന്നുള്ളവർ ഈ പട്ടികയിൽ ഇടം നേടിയിട്ടുണ്ട് .കൂടുതലായും പങ്കെടുത്തവർ ഫാർമസ്യൂട്ടിക്കൽസ് , ഹെൽത്ത് കെയർ , എൻട്രികൾ , കൺസ്യുമർ ഗുഡ്സ് തുടങ്ങിയ മേഖലകളിലെ വ്യവസായികളായിരുന്നു.
