സൗദി : നാട്ടിലേക്ക് പോകാനായി എംബസിയില്‍ പേര് രജിസ്റ്റര്‍ ചെയ്ത് കാത്തിരുന്ന ഗര്‍ഭിണിയായ മലയാളി യുവതി മരിച്ചു. തിരൂരങ്ങാടി കുണ്ടൂര്‍ അനസിന്റെ ഭാര്യ ജാസിറ (29) ആണ് ജിദ്ദയില്‍ മരണപ്പെട്ടത്. ദേഹാസ്വാസ്ഥ്യത്തെ തുടര്‍ന്നായിരുന്നു അന്ത്യം. അഞ്ചു മാസം ഗര്‍ഭിണിയായിരുന്ന യുവതി നാട്ടില്‍ പോകുന്നതിന് എംബസിയില്‍ പേര് രജിസ്റ്റര്‍ ചെയ്തു കാത്തിരിക്കുകയായിരുന്നു. എന്നാല്‍ അധികൃതരുടെ ഭാഗത്ത് നിന്നും ഒരു നടപടിയുമുണ്ടായില്ല. ഇന്ന് പുലര്‍ച്ചെ ദേഹാസ്വാസ്ഥ്യത്തെ തുടര്‍ന്ന് ഹസന്‍ ഗസാവി ആശുപത്രിയിലെത്തിച്ചുവെങ്കിലും രക്ഷിക്കാനായില്ല. നാലു വയസുള്ള ഒരു കുട്ടിയുണ്ട്.
