ജിസാന്‍: ജിസാനില്‍ ഇടുക്കി സ്വദേശി പനി ബാധിച്ചു മരിച്ചു. നെടുങ്കണ്ടം സ്വദേശി സാബുകുമാര്‍ (52) ആണ് മരിച്ചത്. ഇദ്ദേഹം താമസിച്ചിരുന്ന ക്യാമ്പില്‍ കഴിഞ്ഞയാഴ്ച ആരോഗ്യ പ്രവര്‍ത്തകര്‍ നടത്തിയ പരിശോധനയില്‍ ഒരാള്‍ക്ക് കോവിഡ് കണ്ടെത്തിയിരുന്നു. അതിനെത്തുടര്‍ന്ന് ഇദ്ദേഹം ക്യാമ്പില്‍ ക്വാറന്റനില്‍ കഴിയുകയായിരുന്നു.
ഇദ്ദേഹത്തിന് പനിയും തൊണ്ടവേദനയും അനുഭവപ്പെട്ടിരുന്നതായി പറയപ്പെടുന്നു. റൂമില്‍ മരിച്ചുകിടക്കുന്ന നിലയിലായിരുന്നു കണ്ടെത്തിയത്. ബൈഷില്‍ എന്‍.എസ്.എച്ചിന്റെ ജിസാന്‍ എക്കണോമിക് സിറ്റി പ്രോജക്ടില്‍ നാസര്‍ അല്‍ റാജ്ഹി കമ്പനിയില്‍ ജീവനക്കാരനായിരുന്നു. ഒന്നരവര്‍ഷം മുമ്പാണ് നാട്ടില്‍ പോയി വന്നത്. ഭാര്യയും രണ്ട് കുട്ടികളുമുണ്ട്. മൃതദേഹം ബീഷ് ജനറല്‍ ആശുപത്രി മോര്‍ച്ചറിയിലേക്ക് മാറ്റി.
