ബെംഗളൂരു: രാസലഹരി വസ്തുക്കളുമായി മലയാളിയെ ബെംഗളൂരു പോലീസ് പിടികൂടി. കണ്ണൂര് സ്വദേശി ഷക്കീര് എന്നയാളെയാണ് പിടികൂടിയത്. ഇയാള്ക്കൊപ്പം രണ്ട് നൈജീരിയന് പൗരന്മാര് അടക്കം മൂന്ന് പേരെ കൂടി പോലീസ് അറസ്റ്റ് ചെയ്തിട്ടുണ്ട്. 75 ലക്ഷം രൂപ വില വരുന്ന ലഹരി വസ്തുക്കളും സംഘത്തില് നിന്ന് പിടിച്ചെടുത്തു.
അന്താരാഷ്ട്ര വിപണിയില് കോടികള് വിലമതിക്കുന്ന ക്രിസ്റ്റല് എംഡിഎംഎ എന്ന കെമിക്കല് ഡ്രഗുമായാണ് സംഘത്തെ സിസിബി പിടികൂടിയത്. ഷക്കീറിനൊപ്പമുണ്ടായിരുന്ന രണ്ട് നൈജീരിയന് പൗരന്മാര്ക്കും പാസ്പോര്ട്ട് ഇല്ലായിരുന്നുവെന്നും പോലീസ് വ്യക്തമാക്കുന്നു.
