കൊട്ടാരക്കര : പുത്തൂരില്‍ ട്യൂട്ടോറിയല്‍ കോളേജ് പ്രവര്‍ത്തിക്കുന്ന കെട്ടിടത്തില്‍ പെയിന്റിംഗ് ജോലിയ്ക്കിടെ വൈദ്യുതാഘാതമേറ്റ് യുവാവ് മരിച്ചു, രണ്ടുപേര്‍ക്ക് പരുക്കേറ്റു. ഇന്ന് രാവിലെ ഒന്‍പതരയോടെയാണ് അപകടം.
കൊട്ടാരക്കര കുറുമ്പാലൂര്‍ സ്വദേശിയും പുത്തൂര്‍ കാരിയ്ക്കല്‍ വാടകയ്ക്ക് താമസിച്ചുവരികയുമായിരുന്ന ശ്രീകുമാറാണ് (ബിജു- 42) മരിച്ചത്. ഒപ്പമുണ്ടായിരുന്ന രണ്ടുപേര്‍ക്ക് ഷോക്കേറ്റെങ്കിലും കൂടുതല്‍ അനിഷ്ട സംഭവങ്ങള്‍ ഉണ്ടായില്ല. പെയിന്റിംഗിനിടെ ഫ്‌ളക്‌സ് ബോര്‍ഡ് മാറ്റിവെയ്ക്കുമ്പോഴാണ് ബോര്‍ഡിന്റെ ഒരു ഭാഗം പതിനൊന്ന് കെ.വി വൈദ്യുതി ലൈനില്‍ തട്ടിയതും വൈദ്യുതാഘാതമേറ്റതും. നാലുപേര്‍ ഒന്നിച്ചാണ് പെയിന്റിംഗ് ജോലി ചെയ്തുകൊണ്ടിരുന്നത്. പുത്തൂര്‍ പോലിസ് കേസെടുത്തു. അഞ്ജുവാണ് ശ്രീകുമാറിന്റെ ഭാര്യ. മക്കള്‍: മഹാലക്ഷ്മി, നിഖിത്ത്.
