കൊയിലാണ്ടി : തിരുവങ്ങൂരിൽ വാഹനാപകടത്തില് ബൈക്ക് യാത്രക്കാരനായ യുവാവ് തൽക്ഷണം മരിച്ചു. അപകടത്തില് ഒരാൾക്ക് പരുക്ക്. കോഴിക്കോട് കുണ്ടൂപറമ്പ് കക്കാട്ട് വയൽ അരവിന്ദൻ്റെ മകൻ അജീഷ് (36) ആണ് തൽക്ഷണം മരിച്ചത്. കൂടെയുണ്ടായിരുന്ന യാത്രകാരനെ തിരുവങ്ങൂർ ആശുപത്രിയിൽ പ്രവേശിപ്പിച്ചു. തിരുവങ്ങൂർ ടൗണിനു തെക്ക് ഭാഗത്തായിരുന്നു അപകടം.
കോഴിക്കോട് നിന്നു കണ്ണൂരിലേക്ക് വരുകയായിരുന്ന KL 58 R 34 24 നമ്പർ സ്വകാര്യ ബസ്സ് അതെ ഭാഗത്തേക്ക് വരുകയായിരുന്ന KL 85 2765 ബൈക്കിൽ ഇടിക്കുകയായിരുന്നു. ഇടിയിൽ തെറിച്ചു വീണ യുവാവ് ബസ്സിനടിയിൽപ്പെടുകയായിരുന്നു. കൊയിലാണ്ടിയിൽ നിന്നും അഗ്നിരക്ഷാസേന സ്ഥലത്തെത്തി മൃതദേഹം മോർച്ചറിയിലേക്ക് മാറ്റി. റോഡിൽ ചിതറി തെറിച്ച രക്തവും മാംസ കഷ്ണങ്ങളും അഗ്നി രക്ഷാ സേന വെള്ളം ചീറ്റി കഴുകി. അപകടത്തെ തുടർന്ന് ഗതാഗതം തടസ്സപ്പെട്ടു. കൊയിലാണ്ടി ട്രാഫിക് പോലീസും സ്ഥലത്തെത്തി.
