ഡൽഹി: തെരുവ് നായ കേസിലെ സുപ്രീംകോടതി വിധിയിൽ മനേക ഗാന്ധി. നിലവിലുള്ള എബിസി കേന്ദ്രങ്ങൾ നിലവാരമില്ലാത്തത്. പലരും മൃഗങ്ങളെ ശരിയായ പരിചരണത്തോടെ കൈകാര്യം ചെയ്യുന്നില്ല. വന്ധ്യംകരണം നടത്തിയ ശേഷം ഭക്ഷണം ലഭിക്കാത്ത ഇടങ്ങളിൽ ഉപേക്ഷിക്കുന്നു. വന്ധ്യംകരണത്തിന് വിധേയനായ ഒരു നായ ആരെയും കടിക്കില്ല. ABC സെന്ററുകൾ നല്ല രീതിയിൽ പ്രവർത്തിച്ചെങ്കിൽ എല്ലാം സുഗമമായി നടക്കുമായിരുന്നുവെന്നും മനേക ഗാന്ധി വ്യക്തമാക്കി.
തെരുവുനായ ആക്രമണത്തില് സുപ്രധാന വിധിയുമായി സുപ്രീംകോടതി രംഗത്തെത്തിയിരുന്നു. അപകടകാരികളായ നായ്ക്കളെ കൊല്ലാമെന്നാണ് സുപ്രീംകോടതിയുടെ നിര്ദ്ദേശം. നിര്ദേശങ്ങള് നടപ്പിലാക്കുന്ന ഉദ്യോഗസ്ഥര്ക്കെതിരെ ക്രിമിനല് നടപടി എടുക്കരുതെന്നും കോടതി വ്യക്തമാക്കിയിട്ടുണ്ട്. എബിസി ചട്ടങ്ങള് കര്ശനമായി നടപ്പിലാക്കണമെന്നും പറയുന്നു.
രാജ്യത്തെ തെരുവ് നായ ആക്രമണങ്ങളുടെ കണക്ക് നിരത്തിയാണ് സ്വമേധയാ എടുത്ത കേസിലെ സുപ്രീംകോടതിയുടെ വിധി. കേസില് സുപ്രധാനമായ നിര്ദ്ദേശങ്ങള് സുപ്രീംകോടതി നല്കി. അതിലൊന്നാണ് എബിസി ചട്ടങ്ങള് കര്ശനമായി പാലിക്കണം എന്നത്. ഇതില് വീഴ്ച വരുത്തിയാല് ഉദ്യോഗസ്ഥര്ക്കെതിരെ കോടതിയലക്ഷ്യ നടപടി എടുക്കും. അപകടകാരികളായ നായ്ക്കളെ കൊല്ലാം. നിര്ദേശങ്ങള് നടപ്പിലാക്കുന്ന ഉദ്യോഗസ്ഥര്ക്കെതിരെ എഫ്ഐആറോ ക്രിമിനല് നടപടിയോ സ്വീകരിക്കരുത്.
