പന്തളം: മങ്ങാരം ഗവ.യു.പി.സ്ക്കൂളിന്റെ 82-ാംമത് വാർഷികാഘോഷം പ്രശസ്ത സിനിമ-സീരിയൽ നടനും മിമിക്രി കലാകാരനുമായ സാബു നാരായണൻ ഉദ്ഘാടനം ചെയ്തു. പി.ടി.എ പ്രസിഡണ്ട് എം.ബി.ബിനുകുമാർ അദ്ധ്യക്ഷത വഹിച്ചു. കേരള പോലീസ് അസിസ്റ്റൻ്റ് കമാൻഡൻ്റ് എസ്. ഷിയാസ് മുഖ്യാതിഥിയായിരുന്നു. സർവ്വീസിൽ നിന്നും വിരമിക്കുന്ന പന്തളം ഉപജില്ലാ വിദ്യാഭ്യാസ ആഫീസർ കെ.ശ്രീകല ,അധ്യാപിക ടി.ലളിത എന്നിവർക്ക് പന്തളം നഗരസഭ കൗൺസിലർ സുനിതവേണു ഉപഹാരം നല്കി. വിദ്യാർത്ഥി പ്രതിഭകൾക്ക് മുർ ജില്ലാപഞ്ചായത്തംഗം എ. ഗിരിജ കുമാരി ടീച്ചർ ഉപഹാരം നല്കി.
വായന അസ്വാദന കുറിപ്പ് തയ്യാറാക്കൽ മത്സര വിജയികൾക്ക്
മങ്ങാരം ഗ്രാമീണ വായനശാല സെക്രട്ടറി കെ.ഡി.ശശിധരൻ ക്യാഷാവാർഡുകൾ വിതരണം ചെയ്തു. സ്ക്കൂള് സ്റ്റാഫ് സെക്രട്ടറി വീണ ഗോപിനാഥൻ റിപ്പോർട്ട് അവതരിപ്പിച്ചു. എസ് .എം.സി ചെയർമാൻ കെ.എച്ച് .ഷിജു, അടൂർ താലൂക്ക് ലൈബ്രറി കൗൺസിൽ എക്സിക്യൂട്ടീവ് കമ്മിറ്റി അംഗം വിനോദ് മുളമ്പുഴ, മാധ്യമപ്രവർത്തകൻ കെ.സി.ഗിരീഷ് കുമാർ, എസ്.അമീർ ജാൻ, ടി.എൻ.കൃഷ്ണ പിള്ള,കെ.സി.വിജയ മോഹൻ നായർ, രാജേഷ് പാറ്റൂർ, ഷിബിന ബഷീർ, സംജാ സുധീർ, കെ.ജി.ശശിധരൻ ,വിഭു നാരായണൻ, ലക്ഷമി ചന്ദ്രൻ,ഭഗത് ലാൽ
എന്നിവർ സംസാരിച്ചു. സ്ക്കൂള് പ്രഥമാധ്യാപിക ജിജി റാണി സ്വാഗതവും നിഷ എസ് റഹ്മാൻ നന്ദിയും പറഞ്ഞു.
