ന്യൂഡല്ഹി: കോവിഡ് കേസുകള് വര്ദ്ധിക്കുന്ന സാഹചര്യത്തില് വിമാന യാത്രയില് മാസ്ക് നിര്ബന്ധമാക്കി. കോവിഡ് മാനദണ്ഡങ്ങള് യാത്രക്കാര് പാലിക്കുന്നുണ്ടെന്ന് ഉറപ്പാക്കാന് ഡിജിസിഎ വിമാന കമ്പനികള്ക്ക് നിര്ദ്ദേശം നല്കിയിട്ടുണ്ട്. നിയമം ലംഘിക്കുന്നവര്ക്കെതിരെ ശിക്ഷാ നടപടികള് കൈക്കൊള്ളാനും ഡിജിസിഎ എയര്ലൈനുകളോട് ആവശ്യപ്പെട്ടു.
ഓഗസ്റ്റ് 1 മുതല് രാജ്യ തലസ്ഥാനത്ത് കോവിഡ് കേസുകളിൽ ആശുപത്രിയില് പ്രവേശിപ്പിക്കപ്പെടുന്ന രോഗികളുടെ എണ്ണത്തില് 100 ശതമാനം വര്ദ്ധനവ് വന്നതോടെയാണ് കര്ശന മുന്കരുതല് സ്വീകരിക്കാനൊരുങ്ങുന്നത്. ഡല്ഹിയില് ഓരോ ദിവസവും അഞ്ചിലധികം കോവിഡ് മരണങ്ങളാണ് രേഖപ്പെടുത്തുന്നത്. രണ്ടാഴ്ചക്കുള്ളില് ഡല്ഹിയില് ആശുപത്രിയില് പ്രവേശിപ്പിച്ചവരുടെ എണ്ണത്തില് ഏകദേശം രണ്ടുമടങ്ങ് വര്ദ്ധനവാണുണ്ടായിരിക്കുന്നത്.