കോഴിക്കോട്: മാതൃഭൂമി ഡയറക്ടര് ബോര്ഡ് അംഗം ഉഷ വീരേന്ദ്രകുമാര് (82) അന്തരിച്ചു. എഴുത്തുകാരനും പ്രഭാഷകനും സോഷ്യലിസ്റ്റ് നേതാവും മന്ത്രിയും മാതൃഭൂമി മാനേജിങ് ഡയറക്ടറുമായിരുന്ന പരേതനായ എം.പി. വീരേന്ദ്രകുമാറിന്റെ ഭാര്യയാണ്. ബെല്ഗാമിലെ ബാബുറാവ് ഗുണ്ടപ്പ ലേംഗഡെയുടെയും ബ്രാഹ്മിലയുടെയും മകളായ ഉഷാദേവി 1958 ലാണ് വീരേന്ദ്രകുമാറിന്റെ ജീവിതസഖിയായത്. വീരേന്ദ്രകുമാറിന്റെ ജീവിതത്തിലുടനീളം ഉഷ കൂടെയുണ്ടായിരുന്നു. ലോകം മുഴുവന് സഞ്ചരിച്ച വീരേന്ദ്രകുമാറിന്റെ യാത്രകളിലെല്ലാം അവരും ഒപ്പമുണ്ടായിരുന്നു. എഴുത്തുകാരനും വാഗ്മിയും ജനപ്രതിനിധിയും സമരനായകനുമെല്ലാമായി എം.പി. വീരേന്ദ്രകുമാര് പടര്ന്നു പന്തലിച്ചപ്പോള് അതിന്റെ വേരായിരുന്നു എല്ലാ അര്ഥത്തിലും ഉഷ.
മക്കള് – എം.വി ശ്രേയാംസ് കുമാര് (മാനേജിങ്ങ് ഡയറക്ടര്, മാതൃഭൂമി), എം.വി. ആശ, എം.വി. നിഷ, എം.വി. ജയലക്ഷ്മി. മരുമക്കള് – എം.ഡി. ചന്ദ്രനാഥ്, കവിത ശ്രേയാംസ് കുമാര്, ദീപക് ബാലകൃഷ്ണന് (ബെംഗളൂരൂ). ഇന്നു വൈകിട്ടുവരെ കോഴിക്കോട് ചാലപ്പുറത്തെ വസതിയില് പൊതുദര്ശനം. നാളെ രാവിലെ വയനാട് കല്പ്പറ്റയിലെ വസതിയില് എത്തിക്കും. സംസ്കാരം നാളെ (ശനിയാഴ്ച്ച) ഉച്ചയ്ക്കു ശേഷം മൂന്നു മണിക്ക് കല്പ്പറ്റ പുളിയാര്മലയിലെ വീട്ടുവളപ്പില്.
—————–
വാര്ത്തകള് Whatsapp ല് ലഭിക്കുവാന് Link എന്ന് ടൈപ്പ് ചെയ്ത് 751045 3033 എന്ന നമ്പറിലേക്ക് വാട്സ് ആപ്പ് ചെയ്യുക.
