ബീഡി ചോദിച്ചിട്ട് കൊടുത്തില്ല ; കോവളത്ത് മധ്യവയസ്‌കനെ വീട്ടില്‍ കയറി വെട്ടിപരിക്കേല്‍പ്പിച്ചു

കോവളം : ബീഡി ചോദിച്ചപ്പോൾ കൊടുക്കാത്തതിന്റെ വൈരാഗ്യത്തിൽ വീട്ടിൽ കയറി മധ്യവയസ്കന്റെ തലയിൽ വെട്ടിപ്പരിക്കേൽപ്പിച്ച കേസിലെ പ്രതി അറസ്റ്റിൽ. കോവളം ഭാരതിയമ്മാൻ റോഡിൽ മാധവ മന്ദിരത്തിൽ സുവീഷിനെ (32) ആണ് കോവളം പോലീസ് അറസ്റ്റുചെയ്തത്. നെടുമം കീഴേ പാറവിളയിൽ ഉണ്ണികൃഷ്ണനാ (52) ണ് പരിക്കേറ്റത്. കോവളം ഇൻസ്പെക്ടർ ജി.പ്രൈജുവിന്റെ നേതൃത്വത്തിലാണ് പ്രതിയെ അറസ്റ്റുചെയ്തത്. സുവീഷിനെ കോടതി റിമാൻഡ് ചെയ്തു.