പത്തനംതിട്ട : കോവിഡ്-19 വ്യാപനത്തിന്റെ പശ്ചാത്തലത്തില്‍ പത്തനംതിട്ട ജില്ലയിലേക്ക് ഇതര സംസ്ഥാനങ്ങളില്‍ നിന്നും തിരികെ എത്തുന്ന തൊഴിലാളികളുടെ വിവരങ്ങള്‍ കോണ്‍ട്രാക്ടര്‍മാര്‍, സ്ഥാപന ഉടമകള്‍, തൊഴിലാളികളെ താമസിപ്പിക്കുന്ന കെട്ടിട ഉടമകള്‍, ഏജന്റുമാര്‍ എന്നിവര്‍ ജില്ലയിലെ അതാത് താലൂക്കുകളിലെ അസിസ്റ്റന്റ് ലേബര്‍ ഓഫീസുകളിലേയോ ജില്ലാ ലേബര്‍ ഓഫീസിലേയോ ടെലഫോണ്‍ നമ്പരില്‍ അറിയിക്കണം. കൂടാതെ തൊഴിലാളികളുടെ ക്വാറന്റൈന്‍ സൗകര്യം, ഭക്ഷണം, മരുന്ന്, ഗതാഗത സൗകര്യം, മറ്റ് ചെലവുകള്‍ തുടങ്ങിയവ കൂടി ഉറപ്പു വരുത്തണം. അന്യസംസ്ഥാന തൊഴിലാളികളുമായി നേരിട്ട് ബന്ധമുളള വ്യക്തികളും സ്ഥാപനങ്ങളും തൊഴിലുടമകളും വിവരം യഥാസമയം അറിയിക്കാത്ത പക്ഷം അവര്‍ക്കെതിരെ നിയമ നടപടികള്‍ സ്വീകരിക്കുമെന്ന് ജില്ലാ ലേബര്‍ ഓഫീസര്‍ അറിയിച്ചു.
അസിസ്റ്റന്റ് ലേബര്‍ ഓഫീസര്‍, പത്തനംതിട്ട – 8547655373, (0468 2223074),അടൂര്‍ അസിസ്റ്റന്റ് ലേബര്‍ ഓഫീസര്‍- 8547655377, (04734 225854), തിരുവല്ല അസിസ്റ്റന്റ് ലേബര്‍ ഓഫീസര്‍- 8547655375, ( 0469 2700035), മല്ലപ്പളളി അസിസ്റ്റന്റ് ലേബര്‍ ഓഫീസര്‍- 8547655376, (0469 2784910), റാന്നി അസിസ്റ്റന്റ് ലേബര്‍ ഓഫീസര്‍- 8547655374, (04735 223141 ) പത്തനംതിട്ട ജില്ലാ ലേബര്‍ ഓഫീസ് – 8547655259, (0468 2222234) എന്നീ നമ്പരുകളില്‍ വിവരങ്ങള്‍ കൈമാറാം.
