ഇടുക്കി: ഇടുക്കി വലിയ തോവാളയില്‍ ഇതര സംസ്ഥാന തൊഴിലാളികള്‍ തമ്മിലുണ്ടായ സംഘര്‍ഷത്തില്‍ രണ്ടുപേര്‍ വെട്ടേറ്റ് മരിച്ചു. ജാര്‍ഖണ്ഡ് സ്വദേശികളായ ജാംസ്, ശുക്ലാല്‍ എന്നിവരാണ് മരിച്ചത്. പ്രതി സഞ്ജയ് ഭാസ്‌ക്കിയെ പോലീസ് കസ്റ്റഡിയിലെടുത്തു.
സംഘര്‍ഷത്തില്‍ ഒരു സ്ത്രീയ്ക്കും ഗുരുതരമായി പരിക്കേറ്റിറ്റുണ്ട്. ഇവരെ കട്ടപ്പനയിലെ ആശുപത്രിയില്‍ പ്രവേശിപ്പിച്ചു. തോട്ടം തൊഴിലാളികളായ നാല് പേരും ഒരേ വീട്ടിലാണ് താമസിച്ചിരുന്നത്. പണസംബന്ധമായ തര്‍ക്കം കൊലപാതകത്തില്‍ കലാശിക്കുകയായിരുന്നു.
