തിരുവനന്തപുരം : മില്മ കവര് പാലിന്റെ പാക്കിംഗ് അനുകരിച്ച് ഉപഭോക്താക്കളെ തെറ്റിദ്ധരിപ്പിക്കുന്ന രണ്ടു പേരുകളില് കവര്പാല് വിപണിയില്. ഒറ്റനോട്ടത്തില് മില്മയെന്ന് തോന്നുന്ന മില്ന, മിന്ന പേരുകളിലാണ് നീല പാക്കറ്റില് ഇവയുടെ വില്പന. ഒറ്റനോട്ടത്തില് ആര്ക്കും തിരിച്ചറിയാനാവില്ല. ഇതിനാല് പലരും വഞ്ചിക്കപ്പെടുന്നുമുണ്ട്. മില്മയുടെ കവറിലെ അക്ഷരങ്ങളും രൂപവും പാക്കറ്റിന്റെ ഡിസൈനുമെല്ലാം ട്രേഡ്മാര്ക്ക് നിയമപ്രകാരം രജിസ്റ്റര് ചെയ്യപ്പെട്ടതാണ്. ഇത് മറ്റാരും ഉപയോഗിക്കരുത്. മില്മ പാലിനെ അനുകരിച്ചുള്ള പാക്കറ്റുകളില് അതിന്റെ നിര്മ്മാതാക്കളെകുറിച്ചോ പാക്കിംഗിനെക്കുറിച്ചോ പരാമര്ശമില്ല. ഇവര്ക്കെതിരെ നടപടിയെടുക്കണമെന്ന് ആവശ്യപ്പെട്ട് മില്മ അധികൃതര് പരാതി നല്കിയിട്ടുണ്ട്.
