ചെന്നൈ : നാലാം ക്ലാസ് വിദ്യാര്ഥിനി പാമ്പ് കടിയേറ്റ് മരിച്ചതിന് പിന്നാലെ പീഡനത്തിന് ഇരയാകുന്ന ദൃശ്യം പുറത്ത്. സംഭവത്തില് വയോധികന് അറസ്റ്റിലായി. തമിഴ്നാട്ടിലെ തിരുവള്ളൂരിലാണ് സംഭവം. പെണ്കുട്ടിയെ പീഡിപ്പിച്ച 78കാരനാണ് അറസ്റ്റിലായത്. പ്രതി മൂന്നു മാസം മുമ്പ് പെണ്കുട്ടിയെ പീഡിപ്പിക്കുന്നത് കാണാനായിടയായ ചില യുവാക്കളാണ് ദൃശ്യം മൊബൈലില് പകര്ത്തിയത്. കഴിഞ്ഞ ദിവസം പെണ്കുട്ടി പാമ്പുകടിയേറ്റ് മരിച്ചതിന് പിന്നാലെ പീഡനത്തിന് ഇരയാകുന്ന ദൃശ്യം സമൂഹമാധ്യമങ്ങള് വഴി യുവാക്കള് പ്രചരിപ്പിക്കുകയായിരുന്നു.
പെണ്കുട്ടിയെ പീഡിപ്പിക്കുന്ന ദൃശ്യങ്ങള് പകര്ത്തിയതിനും പ്രചരിപ്പിച്ചതിനും യുവാക്കളെയും പോലീസ് അറസ്റ്റ് ചെയ്തിട്ടുണ്ട്. ഇവരെ കസ്റ്റഡിയിലെടുത്ത് നടത്തിയ ചോദ്യം ചെയ്യലിലാണ് പെണ്കുട്ടിയെ പീഡിപ്പിച്ച 78കാരനെക്കുറിച്ച് വിവരം ലഭിച്ചത്. തുടര്ന്നാണ് വയോധികനെ പോലീസ് പിടികൂടിയത്. അഞ്ച് വയസാകുന്നതിന് മുമ്പ് മാതാപിതാക്കള് മരിച്ച പെണ്കുട്ടി ഒരു ബന്ധുവിന്റെ വീട്ടില്നിന്നാണ് വളര്ന്നത്. ഈ വീടിന് സമീപത്തുള്ള വയോധികനാണ് പെണ്കുട്ടിയെ പീഡിപ്പിച്ചത്.
കഴിഞ്ഞ ദിവസമാണ് പെണ്കുട്ടി പാമ്പ് കടിയേറ്റ് മരിച്ചത്. പെണ്കുട്ടിയുടെ കര്മങ്ങളെല്ലാം കഴിഞ്ഞ ശേഷം ഗ്രാമത്തിലെ ചില യുവാക്കള് ബലാല്സംഗ ദൃശ്യങ്ങള് പരസ്പരം പങ്കുവച്ചു. മറ്റൊരു ഗ്രാമത്തില് നിന്ന് ഇവിടേക്ക് മൂന്ന് മാസം മുമ്പ് എത്തിയ യുവാവാണ് ദൃശ്യങ്ങള് പകര്ത്തിയത്. വീഡിയോയില് വയോധികന് പെണ്കുട്ടിയെ ലൈംഗികമായി പീഡിപ്പിക്കുന്നത് കാണാം. കുട്ടി ഇയാളെ ബലമായി പിടിച്ച് തള്ളാന് ശ്രമിക്കുന്നുമുണ്ട്. പക്ഷേ മരണകാരണം പാമ്പ് കടിയേറ്റത് തന്നെയയാണെന്ന് പോലീസ് പറയുന്നു. 5 യുവാക്കളെ പോലീസ് പ്രതി ചേര്ത്തിട്ടുണ്ട്. യുവാക്കള് വീഡിയോ കാട്ടി വയോധികനെ ഭീഷണിപ്പെടുത്തിയതായും പോലീസ് സംശയിക്കുന്നുണ്ട്.
