കോട്ടയം : കോത്തലയില്നിന്നു പ്രായപൂര്ത്തിയാകാത്ത സഹോദരിമാരായ രണ്ടു പെണ്കുട്ടികളെ കാണാതായതിനു പിന്നാലെ രണ്ട് ആണ് സുഹൃത്തുക്കളെയും കാണാതായതായി സൂചന. ഇവര് ഒന്നിച്ചു പോയതായാണ് നിഗമനം. പെണ്കുട്ടികള്ക്ക് പരിചയമുള്ള രണ്ടു വിദ്യാര്ഥികളെയാണ് കാണാതായിരിക്കുന്നത്. ഇന്നലെ ഉച്ചകഴിഞ്ഞാണ് 16, 17 വയസുള്ള പെണ്കുട്ടികളെ കോത്തലയില്നിന്നു കാണാതായത്. ഇവര്ക്കായുള്ള തെരച്ചില് പോലീസ് ശക്തമാക്കിയിട്ടുണ്ട്. ഇന്നലെ കുട്ടികള്ക്കു ക്ലാസില്ലാത്തതിനാല് ഇരുവരും വീട്ടില്ത്തന്നെയായിരുന്നു.
ഇവരുടെ മാതാവ് ജോലിക്കു പോയതിനു ശേഷമാണ് ഇരുവരെയും കാണാതാകുന്നത്. തുടര്ന്നു വീട്ടുകാര് പാമ്പാടി പോലീസില് പരാതി നല്കി. ഉച്ചകഴിഞ്ഞു കോട്ടയം റെയില്വേ സ്റ്റേഷന്റെ സമീപത്ത് ഇരുവരെയും സിസിടിവിയില് കണ്ടെത്തിയിരുന്നു. അന്വേഷണത്തില് കോട്ടയത്തുനിന്നുള്ള ബാംഗ്ലൂര് ട്രെയിനില് കയറിയെന്നു പോലീസിനു വിവരം ലഭിച്ചു. പാമ്പാടി സിഐ ശ്രീജിത്തിന്റെ നേതൃത്വത്തില് പോലീസ് വ്യാപകമായ പരിശോധന നടത്തുന്നുണ്ട്.