കോന്നി : കോന്നി അരുവാപ്പുലത്തു നിന്നും ഇന്നലെ മുതല്‍ കാണാതായ വീട്ടമ്മയെ കണ്ടെത്തി. അരുവാപ്പുലം വലിയ പുരയിടത്തില്‍ വീട്ടില്‍ സുലോചന (63)നെയാണ് കാണാതെയായത്. ചികിത്സയില്‍ ഉള്ള സഹോദരനെ കാണുവാന്‍ വേണ്ടി പത്തനംതിട്ട ആശുപത്രിയില്‍ പോയിരുന്നു. കണ്ടു മടങ്ങിയ ശേഷം വീട്ടില്‍ എത്തിയില്ല. മക്കളുടെ പരാതിയില്‍ കോന്നി പോലീസ് കേസ് എടുത്തു അന്വേഷണം ആരംഭിച്ചിരുന്നു. തുടര്‍ന്ന് നടത്തിയ അന്വേഷണത്തില്‍ മ്ലാം തടത്തിലെ ബന്ധു വീട്ടില്‍ അമ്മയുണ്ടെന്ന് കണ്ടെത്തി.
