കൊച്ചി : സാമ്പത്തിക തട്ടിപ്പ് കേസില്‍ കുമ്മനം രാജശേഖരന്‍ ചൊവ്വാഴ്ച ഹൈക്കോടതിയെ സമീപിക്കും. ആറന്മുള പോലീസ് രജിസ്റ്റര്‍ ചെയ്ത സാമ്പത്തിക തട്ടിപ്പ് കേസില്‍ എഫ്‌ഐആര്‍ റദ്ദാക്കണമെന്നാവശ്യപ്പെട്ടാണ് ഹൈക്കോടതിയെ സമീപിക്കുക. ചൊവ്വാഴ്ച ഹര്‍ജി കോടതിയില്‍ ഫയല്‍ ചെയ്യാനാണ് തീരുമാനിച്ചിരിക്കുന്നത്.
മുതിര്‍ന്ന അഭിഭാഷകന്‍ രാംകുമാര്‍ മുഖേനയാകും ഹര്‍ജി ഫയല്‍ ചെയ്യുന്നത്. കേസില്‍ പോലീസ് നടപടിക്രമങ്ങള്‍ പാലിച്ചില്ലെന്നും ഉന്നത പദവിയിലിരുന്നവര്‍ക്കെതിരെ കേസെടുക്കുന്നതിന് മുന്‍പ് പോലീസ് ചെയ്യേണ്ട കാര്യങ്ങളില്‍ വീഴ്ചയുണ്ടായെന്നും കുമ്മനം ചൂണ്ടിക്കാട്ടി. സംഭവത്തില്‍ മാനനഷ്ടക്കേസ് കൊടുക്കുമെന്നും കുമ്മനം പറഞ്ഞു.
