പരുമല: കോവിഡ് വ്യാപനത്തെ തുടർന്ന് കടുത്ത നിയന്ത്രണങ്ങളോടെയാണ് പരുമല പെരുന്നാൾ ക്രമീകരിച്ചിരിക്കുന്നത്. കൊടിയേറ്റ് സമയത്ത് 50 പേരെ മാത്രമേ പള്ളി കോമ്പൗണ്ടിനുളളിൽ പ്രവേശിപ്പിക്കുകയുള്ളു. പദയാത്രകൾ പൂർണമായും ഈ വർഷം ഒഴിവാക്കി. റാസയിലും ആരാധനയിലും 50 പേർ മാത്രമേ പങ്കെടുക്കുകയുള്ളു.
ഒരു സമയത്ത് അഞ്ചുപേർക്ക് മാത്രമേ കബറിങ്കലിൽ പ്രവേശനമുള്ളു. പ്രവേശന കവാടത്തിൽ പരിശോധന നടത്തി രജിസ്റ്ററിൽ പേരും ഫോണ് നമ്പരും രേഖപ്പെടുത്തിയ ശേഷമേ കബറിങ്കലിലേക്ക് കടത്തി വിടുകയുള്ളു.
65നു മുകളിലും 10നു താഴെയും വയസുള്ളവർക്കും ആരോഗ്യ പ്രശ്നങ്ങൾ ഉളളവരെയും പള്ളി കോമ്പൗണ്ടിൽ പ്രവേശിപ്പിക്കില്ല. സർക്കാർ നിർദേശങ്ങൾ പാലിച്ചും കോവിഡ് പ്രോട്ടോക്കോൾ മാനദണ്ഡങ്ങൾ പാലിച്ചുമായിരിക്കും ഇത്തവണ പരുമല പെരുന്നാൾ നടത്തുക.