ഏതൊരാളും ആഗ്രഹിക്കുന്ന കാര്യമായിരിക്കും എങ്ങനെ സമ്പന്നനാകാം എന്നത്. എന്നാല്‍ പലര്‍ക്കും ഇതിന് സാധിക്കില്ല എന്നതാണ് യാഥാര്‍ത്ഥ്യം. മണി മാനേജ്‌മെന്റ് എന്നത് എല്ലാവര്‍ക്കും പെട്ടെന്ന് കൈകാര്യം ചെയ്യാന്‍ കഴിയുന്ന ഒന്നല്ല. അതിനാല്‍ സമ്പന്നനാകാനുള്ള ആഗ്രഹം മാത്രം ബാക്കിയാക്കി ദരിദ്രരരായി ജീവിക്കുന്നവരാണ് പലരും. നല്ലൊരു ജോലിയും പണം കൈകാര്യം ചെയ്യാനുള്ള കഴിവുമുണ്ടെങ്കില്‍ ആര്‍ക്കും സമ്പന്നനാകാം. 20 കളില്‍ തന്നെ നിങ്ങള്‍ക്ക് സമ്പന്നനാകാന്‍ ഇത് വഴി സാധിക്കും. അതിന് മികച്ച സാമ്പത്തിക തീരുമാനങ്ങളും കഠിനാധ്വാനവും അല്‍പ്പം ഭാഗ്യവും ആവശ്യമാണ്. വിജയത്തിലേക്കുള്ള ഉറപ്പുള്ള പാലങ്ങള്‍ ഒന്നുമല്ലെങ്കിലും ഉറച്ച സാമ്പത്തിക അടിത്തറ കെട്ടിപ്പടുക്കാന്‍ നിങ്ങളെ സഹായിക്കുന്ന ചില ഘടകങ്ങള്‍ ഏതൊക്കെയാണ് എന്ന് നമുക്ക് നോക്കാം.
ജോലി ലഭിച്ചാല്‍ ആദ്യ ശമ്പളം മുതല്‍ തന്നെ നിക്ഷേപിച്ച് തുടങ്ങുക എന്നതാണ് ഏറ്റവും പ്രധാനം. ചെറിയ തുകയാണെങ്കില്‍ പോലും ഒരു നിശ്ചിത തുക നിങ്ങള്‍ക്ക് എല്ലാ മാസവും നീക്കി വെക്കാന്‍ സാധിക്കണം. എന്നാല്‍ നിക്ഷേപ മാര്‍ഗങ്ങള്‍ സുരക്ഷിതമാണ് എന്ന് ഉറപ്പാക്കണം. സര്‍ക്കാരുകള്‍ നടത്തുന്ന പോസ്റ്റ് ഓഫീസ് സമ്പാദ്യ പദ്ധതി പോലുള്ള നിക്ഷേപ മാര്‍ഗങ്ങള്‍ അനുയോജ്യമായിരിക്കും. നിങ്ങളുടെ വരവിന് അനുസരിച്ച് ചെലവാക്കുക. ആഗ്രഹങ്ങള്‍ എല്ലാം തന്നെ സാക്ഷാത്കരിക്കേണ്ടതാണ് എന്നതില്‍ സംശയമില്ല.
എന്നാല്‍ അത് നിങ്ങളുടെ വരുമാനത്തില്‍ നില്‍ക്കുന്നതായിരിക്കും എന്ന് ഉറപ്പാക്കണം. ക്രെഡിറ്റ് കാര്‍ഡുകളുടെ ഉപയോഗം ജാഗ്രതയോടെയായിരിക്കണം. നിങ്ങള്‍ സമ്പാദിക്കാന്‍ തുടങ്ങുമ്പോള്‍ തന്നെ നിങ്ങള്‍ ക്രെഡിറ്റ് കാര്‍ഡുകള്‍ക്ക് യോഗ്യനാകും. ക്രെഡിറ്റ് കാര്‍ഡുകള്‍ പോലുള്ള ഉയര്‍ന്ന പലിശയുള്ള വായ്പകള്‍ നിങ്ങളുടെ പുരോഗതിയെ മന്ദഗതിയിലാക്കിയേക്കാം. നിങ്ങളുടെ ആവശ്യങ്ങള്‍ക്കും ആഗ്രഹങ്ങള്‍ക്കുമായി ഒരു നിശ്ചിത ബജറ്റ് ഉണ്ടായിരിക്കുന്നത് അമിത ചെലവില്‍ നിന്ന് നിങ്ങളെ പിന്തിരിപ്പിക്കും. ഇത് നിങ്ങളുടെ ഭാവിക്കായി കൂടുതല്‍ ലാഭിക്കാനും നിക്ഷേപിക്കാനും നിങ്ങളെ സഹായിക്കുന്നു.
അപ്രതീക്ഷിത ചെലവുകള്‍ നികത്താന്‍ അടിയന്തര ഫണ്ടിനായി അല്‍പം നീക്കി വെക്കുക. ഇത് വഴി അത്യാഹിതങ്ങളില്‍ കടക്കെണിയിലാകുന്നത് തടയാനാകും. ഒരിക്കലും ഒരു ജോലിയെയോ വരുമാനത്തെയോ മാത്രം ആശ്രയിക്കരുത്. നിങ്ങളുടെ വരുമാനം വൈവിധ്യവത്കരിക്കാനുള്ള വഴികള്‍ തേടാം. ചെയ്യേണ്ട കാര്യങ്ങള്‍ മാറ്റിവെക്കുന്നത് നിര്‍ത്തി നിങ്ങളുടെ ലക്ഷ്യങ്ങള്‍ക്കായി പ്രവര്‍ത്തിക്കാന്‍ ആരംഭിക്കുക. കാരണം പ്രായം എല്ലാ വര്‍ഷവും കൂടുകയാണ് എന്ന് ഓര്‍മിക്കണം.
പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം
മലയാളത്തിലെ പ്രമുഖ ന്യൂസ് പോര്‍ട്ടലുകളില്‍ ഒന്നായ പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം. ഗൂഗിള്‍ മലയാളത്തില്‍ ടൈപ്പ് ചെയ്ത വാര്‍ത്തയോടൊപ്പം ഉചിതമായ ചിത്രവും നല്‍കേണ്ടതാണ്. വാര്‍ത്തയുടെ ആധികാരികതക്ക് ആവശ്യമായ രേഖകളും ഇതോടൊപ്പം നല്‍കണം. പത്രത്തില്‍ പ്രസിദ്ധീകരിച്ചതും കാലഹരണപ്പെട്ടതുമായ വാര്‍ത്തകള്‍ പ്രസിദ്ധീകരിക്കുന്നതല്ല. വാര്‍ത്തകള്‍ പ്രസിദ്ധീകരിക്കുന്നതിനോ തിരസ്കരിക്കുന്നതിനോ ഉള്ള അവകാശം എഡിറ്റോറിയല്‍ ബോര്‍ഡില്‍ നിക്ഷിപ്തമായിരിക്കും. രഹസ്യ സ്വഭാവമുള്ള വാര്‍ത്തകളും വിവരങ്ങളും ചീഫ് എഡിറ്റര്‍ക്ക് കൈമാറാം. ഇന്‍ഫോര്‍മറെക്കുറിച്ചുള്ള വിവരങ്ങള്‍ അതീവ രഹസ്യമായി സൂക്ഷിക്കുന്നതാണ്.
———————–
വാര്‍ത്തകള്‍ നല്‍കുവാന്‍ വാട്സാപ്പ് 751045 3033/ 94473 66263 mail – [email protected]
———————–
ന്യുസ് പോര്‍ട്ടലില്‍ പരസ്യം നല്‍കുവാന്‍ 702555 3033/ 0468 295 3033 / mail – [email protected]
———————-
ചീഫ് എഡിറ്റര്‍ – 94473 66263, 85471 98263, 0468 2333033
