പത്തനംതിട്ട : മൂലൂര്‍ അനുസ്മരണവും കാവ്യാഞ്ജലിയും മാര്‍ച്ച് 22ന് രാവിലെ 10ന് ഇലവുംതിട്ട മൂലൂര്‍ സ്മാരകത്തില്‍ ജില്ലാ ലൈബ്രറി കൗണ്‍സില്‍ പ്രസിഡന്റ് ഡോ.പി.ജെ ഫിലിപ്പ് ഉദ്ഘാടനം ചെയ്യും. സരസകവി മൂലൂര്‍ എസ്.പദ്മനാഭ പണിക്കരുടെ 91-ാം ചരമവാര്‍ഷികത്തോട് അനുബന്ധിച്ചാണ് പരിപാടി സംഘടിപ്പിച്ചിട്ടുള്ളത്. മെഴുവേലി ഗ്രാമപഞ്ചായത്ത് പ്രസിഡന്റ് പിങ്കി ശ്രീധര്‍ അധ്യക്ഷത വഹിക്കും. രാവിലെ ഒന്‍പതിന് സ്മൃതിമണ്ഡപത്തില്‍ പുഷ്പാര്‍ച്ചനയോടെയാണ് ചടങ്ങിന് തുടക്കം കുറിക്കുക. അനുസ്മരണ സമ്മേളനത്തിനു ശേഷം നടക്കുന്ന കാവ്യാഞ്ജലിയില്‍ പ്രമുഖ കവികള്‍ പങ്കെടുക്കുമെന്ന് മൂലൂര്‍ സ്മാരകം പ്രസിഡന്റ് കെ.സി രാജഗോപാലനും സെക്രട്ടറി പ്രൊഫ.ഡി.പ്രസാദും അറിയിച്ചു.
