ഗാസ: ഒക്ടോബര് ഏഴിന് ആരംഭിച്ച ഇസ്രയേല്-ഹമാസ് യുദ്ധം നൂറ് ദിനങ്ങള് പിന്നിടുമ്പോള് പുറത്ത് വരുന്നത് ലോകത്തിന്റെ നെഞ്ചുലയ്ക്കുന്ന വിവരങ്ങള്. ഇതുവരെ കൊല്ലപ്പെട്ടവരില് നാല്പത് ശതമാനത്തിലേറെ പേര് കുട്ടികളാണെന്നും ഏകദേശം 10,000ല് കൂടുതല് കുട്ടികള് ഇവിടെ കൊല്ലപ്പെട്ടെന്നും റിപ്പോര്ട്ടുകള് വ്യക്തമാക്കുന്നു. ഒട്ടനവധി ആളുകളെയാണ് കെട്ടിടം തകര്ന്ന് കാണാതായത്. ഇവരില് നല്ലൊരു വിഭാഗം ആളുകളെ കണ്ടെത്താനും സാധിച്ചിട്ടില്ല.
ഇവരുടെ മരണം സ്ഥിരീകരിക്കാത്തതിനാലാണ് കൊല്ലപ്പെട്ടവരുടെ പട്ടികയില് ഇവരെ ഉള്പ്പെടുത്താത്തതെന്ന് അധികൃതര് വ്യക്തമാക്കി. വ്യോമാക്രമണത്തിലുള്പ്പടെ കൈകാലുകള് നഷ്ടപ്പെട്ട കുട്ടികളും ഏറെയാണ്. ഇത് എത്രപേരുണ്ടെന്ന് ഇനിയും റിപ്പോര്ട്ട് വന്നിട്ടില്ല.
