തിരുവനന്തപുരം: യു ഡി എഫ് സ്ഥാനാര്‍ത്ഥി വീണ എസ് നായര്‍ പ്രചാരണത്തില്‍ സജീവമല്ലെന്ന എല്‍ ഡി എഫ് സ്ഥാനാര്‍ത്ഥി വി കെ പ്രശാന്തിന്റെ ആക്ഷേപത്തിന് മറുപടിയുമായി മുരളീധരന്‍. സ്ത്രീത്വത്തെയാണ് പ്രശാന്ത് അപമാനിച്ചതെന്ന് അദ്ദേഹം കുറ്റപ്പെടുത്തി.
കോണ്‍ഗ്രസ്-ബിജെപി വോട്ടുകച്ചവടം ആരോപിക്കുന്നത് ഊതിപ്പെരുപ്പിച്ച വികസന നേട്ടങ്ങള്‍ ബലൂണ്‍ പോലെ പൊട്ടുന്നതുകൊണ്ടാണെന്നും മുരളീധരന്‍ വിമര്‍ശിച്ചു. വട്ടിയൂര്‍ക്കാവില്‍ കോണ്‍ഗ്രസ്-ബിജെപി രഹസ്യധാരണയുണ്ടെന്നും, കോണ്‍ഗ്രസ് സ്ഥാനാര്‍ത്ഥി പ്രചാരണരംഗത്ത് സജീവമല്ലെന്നുമായിരുന്നു പ്രശാന്തിന്റെ ആരോപണം. ജനങ്ങള്‍ക്ക് യാഥാര്‍ഥ്യം അറിയാമെന്നായിരുന്നു വീണ എസ് നായരുടെ പ്രതികരണം.
