കണ്ണൂര്‍: ഉമ്മന്‍ചാണ്ടിയുടെ ആത്മകഥയായ ‘കാലംസാക്ഷി’ കേരളത്തിലെ കോണ്‍ഗ്രസിന്റെ കാലനായി മാറുമെന്ന് ആരും കരുതിയില്ലെന്ന് സിപിഐഎം കണ്ണൂര്‍ ജില്ലാ സെക്രട്ടറി എംവി ജയരാജന്‍. കെപിസിസി പ്രസിഡന്റും പ്രതിപക്ഷ നേതാവും തമ്മിലുണ്ടായ മൈക്ക് പിടിവലി കോണ്‍ഗ്രസിന് പുലിവാല് സൃഷ്ടിച്ചു. അപ്പോഴാണ് പാഴായ ഭൂരിപക്ഷ പിന്തുണ എന്ന ‘കാലംസാക്ഷി’യുടെ അധ്യായത്തില്‍ പ്രതിപക്ഷ നേതാവിനെ തെരഞ്ഞെടുക്കാനായി ചേര്‍ന്ന എംഎല്‍എമാരുടെ യോഗത്തില്‍ ഭൂരിപക്ഷവും ചെന്നിത്തലയോടൊപ്പമാണെന്ന സത്യം ഉമ്മന്‍ചാണ്ടി വെളിപ്പെടുത്തിയത് പുറത്തുവന്നതെന്നും എംവി ജയരാജന്‍ പറഞ്ഞു. മൈക്ക് പിടിവലി സതീശനെതിരായ പൊതുവികാരം കോണ്‍ഗ്രസ് അണികളില്‍ സൃഷ്ടിച്ചിട്ടുണ്ടെന്നും ചെന്നിത്തലക്ക് അനുകൂലമായ രാശിയാണിപ്പോള്‍ എന്നാണ് കോണ്‍ഗ്രസുകാര്‍ അടക്കം പറയുന്നതെന്നും എംവി ജയരാജന്‍ ഫേസ്ബുക്ക് പോസ്റ്റില്‍ പറഞ്ഞു.
എം.വി ജയരാജന്റെ കുറിപ്പ്: ”പുതുപ്പള്ളി ഉപതെരഞ്ഞെടുപ്പിന് ശേഷം രമേശ് ചെന്നിത്തല നടത്തിയ പ്രതികരണത്തെ തുടര്‍ന്ന് സപ്തംബര്‍ 8ന് ശേഷം കോണ്‍ഗ്രസ്സില്‍ ഉരുള്‍പൊട്ടല്‍ സാധ്യതയുണ്ടാകുമെന്ന് ഉറപ്പായിരുന്നു. അര്‍ഹതപ്പെട്ട സ്ഥാനം ലഭിക്കാതിരുന്നതിലുള്ള ചെന്നിത്തലയുടെ പരാതിയും പരിഭവവും പൊട്ടിത്തെറിയിലാകുമെന്നാണ് അന്ന് പലരും കരുതിയത്. ‘കാലംസാക്ഷി’ കേരളത്തിലെ കോണ്‍ഗ്രസ്സിന്റെ കാലനായി മാറുമെന്ന് ആരും കരുതിയില്ല. ഇപ്പോള്‍ അതാണ് കോണ്‍ഗ്രസ് അണികളും ജനങ്ങളും ചര്‍ച്ചചെയ്യുന്നത്.”
”കെ.പി.സി.സി. പ്രസിഡന്റും പ്രതിപക്ഷ നേതാവും തമ്മിലുണ്ടായ ‘മൈക്ക് പിടിവലി’ കോണ്‍ഗ്രസ്സിന് പുലിവാല് സൃഷ്ടിച്ചു. അപ്പോഴാണ് ‘പാഴായ ഭൂരിപക്ഷ പിന്തുണ’ എന്ന ‘കാലംസാക്ഷി’യുടെ അധ്യായത്തില്‍ പ്രതിപക്ഷനേതാവിനെ തെരഞ്ഞെടുക്കാനായി ചേര്‍ന്ന കോണ്‍ഗ്രസ് എം.എല്‍.എ.മാരുടെ യോഗത്തില്‍ ഭൂരിപക്ഷവും ചെന്നിത്തലയോടൊപ്പമാണെന്ന സത്യം ഉമ്മന്‍ചാണ്ടി വെളിപ്പെടുത്തിയത് പുറത്തുവരുന്നത്. ഉമ്മന്‍ചാണ്ടിയും ചെന്നിത്തലയെയാണ് പിന്തുണച്ചത്. ഹൈക്കമാന്റ് വി.ഡി. സതീശനെ പ്രതിപക്ഷനേതാവായി പ്രഖ്യാപിച്ചു. ഇതാണ് പാഴായ ഭൂരിപക്ഷ പിന്തുണയെന്ന തലക്കെട്ടിനിടയാക്കിയത്. ചെന്നിത്തലയ്ക്കിപ്പോള്‍ അമ്പലപ്പുഴ പായസം കുടിച്ചതുപോലെയുള്ള സംതൃപ്തിയാണ്. പ്രവര്‍ത്തകസമിതി രൂപീകരണവേളയില്‍ തന്നെ തഴഞ്ഞ ഹൈക്കമാന്റിനെതിരെ ചെന്നിത്തലയ്ക്ക് പുതിയൊരായുധം കിട്ടി. ഉമ്മന്‍ചാണ്ടിക്ക് വിശദീകരണ നോട്ടീസയക്കാന്‍ ഹൈക്കമാന്റിന് കഴിയില്ലല്ലോ. ‘മൈക്ക് പിടിവലി’ വിഡി സതീശനെതിരായ പൊതുവികാരം കോണ്‍ഗ്രസ് അണികളില്‍ സൃഷ്ടിച്ചിട്ടുണ്ട്. ചെന്നിത്തലക്ക് അനുകൂലമായ രാശിയാണിപ്പോള്‍ എന്നാണ് ചില കോണ്‍ഗ്രസ്സുകാര്‍ അടക്കം പറയുന്നത്. എട്ടിനുശേഷം പൊട്ടിയ കോണ്‍ഗ്രസ് എങ്ങനെ നാടിനെ രക്ഷിക്കും?”
കേരളത്തിലെ ഒരു മുന്‍നിര ഓണ്‍ലൈന്‍ വാര്‍ത്താ ചാനലാണ്‌ പത്തനംതിട്ട മീഡിയാ. ജില്ലയിലെ പ്രാദേശിക വാര്‍ത്തകള്‍ക്ക് മുന്‍തൂക്കം നല്‍കിക്കൊണ്ടാണ് പത്തനംതിട്ട മീഡിയാ മുമ്പോട്ടു പോകുന്നത്. തികച്ചും സൌജന്യമായാണ് ഈ വാര്‍ത്തകള്‍ നിങ്ങള്‍ക്ക് ലഭിക്കുന്നത്. രാവിലെ 4 മണി മുതല്‍ രാത്രി 12 മണിവരെ തടസ്സമില്ലാതെ എല്ലാ വാര്‍ത്തകളും ഉടനടി നിങ്ങള്‍ക്ക് ലഭിക്കും. ഇന്‍ഫര്‍മേഷന്‍ & പബ്ലിക് റിലേഷന്‍സ് ഡിപ്പാര്‍ട്ട്മെന്റിന്റെ (I&PRD) അംഗീകാരമുള്ള പത്തനംതിട്ട ജില്ലയിലെ ഏക ഓണ്‍ലൈന്‍ ചാനലാണ്‌ പത്തനംതിട്ട മീഡിയ. വ്യാജ വാര്‍ത്തകളോ കെട്ടിച്ചമച്ച വാര്‍ത്തകളോ പത്തനംതിട്ട മീഡിയയില്‍ ഉണ്ടാകില്ല. അതോടൊപ്പം നിങ്ങളുടെ നാട്ടില്‍ നടക്കുന്ന വാര്‍ത്താ പ്രാധാന്യമുള്ള വിഷയങ്ങള്‍ ഞങ്ങള്‍ക്ക് നേരിട്ട് റിപ്പോര്‍ട്ട് ചെയ്യുകയുമാകാം.
———————-
വാര്‍ത്തകള്‍ നല്‍കുവാന്‍ വാട്സാപ്പ് 751045 3033/ 94473 66263
mail – [email protected]
———————–
ന്യുസ് പോര്‍ട്ടലില്‍ പരസ്യം നല്‍കുവാന്‍ 702555 3033/ 0468 295 3033 /
mail – [email protected]
———————-
ചീഫ് എഡിറ്റര്‍ – 94473 66263, 85471 98263, 0468 2333033
