പത്തനംതിട്ട : മൈലപ്ര സര്വീസ് സഹകരണ ബാങ്ക് തട്ടിപ്പ് മുന് സെക്രട്ടറി ജോഷ്വാ മാത്യുവിന്റെ അതിബുദ്ധി. താന് പിടിക്കപ്പെടില്ലെന്നും അഥവാ പിടിക്കപ്പെട്ടാല് പ്രസിസന്റും ഭരണസമിതി അംഗങ്ങളും അതില് കുരുങ്ങുമെന്നും ജോഷ്വാ മാത്യുവിന് അറിയാമായിരുന്നു. പ്രസിഡന്റ് ജെറി ഈശോ ഉമ്മനുമായി വളരെ ദൃഡമായ ആത്മബന്ധം കാത്തുസൂക്ഷിക്കുവാനും ജോഷ്വാ മാത്യു ശ്രദ്ധിച്ചിരുന്നു. താന് എന്ത് കടലാസ് കൊടുത്താലും ഒന്നും നോക്കാതെ അതില് ഒപ്പിടുന്ന ഒരു റബ്ബര് സ്റ്റാമ്പാക്കി പ്രസിഡന്റിനെ മാറ്റിയെടുക്കുന്നതില് ജോഷ്വാ മാത്യു നന്നായി വിജയിച്ചു. ഇരുവരും ഒരമ്മ പെറ്റ സഹോദരന്മാരെപ്പോലെ ആയിരുന്നു. ജോഷ്വാ മാത്യു എന്ന കുശാഗ്രബുദ്ധി ജെറി ഈശോ ഉമ്മനെ അങ്ങനെ ആക്കിയെടുത്തു എന്നതാണ് ശരി.
മൈലപ്ര ബാങ്കിന്റെ ചുമതലയില് ഒരു ഗോതമ്പ് ഫാക്ടറി തുടങ്ങണം എന്നാ ആശയവും മുന് സെക്രട്ടറി ജോഷ്വാ മാത്യുവിന്റെയായിരുന്നു. വ്യാപാര മേഖലയുമായി ബന്ധപ്പെട്ട് ക്രയവിക്രയങ്ങള് ദിവസേന ഉണ്ടായാല് മാത്രമേ കണക്കില് തിരിമറി നടത്തുവാന് കഴിയൂ എന്ന് സഹകരണ മേഖലയില് പയറ്റിത്തെളിഞ്ഞ ജോഷ്വാ മാത്യുവിന് നന്നായി അറിയാമായിരുന്നു. സഹകരണ ബാങ്കിലെ ലോണുകളും സ്വര്ണ്ണപ്പണയവും തനിക്ക് നേട്ടങ്ങള് ഒന്നും വാരിക്കോരി നല്കില്ല. ഇത് വ്യക്തമായി അറിയാവുന്ന ജോഷ്വാ മാത്യുവാണ് ബാങ്കിനെ വ്യാപാര രംഗത്തേക്ക് പ്രവേശിപ്പിച്ചത്. ബാങ്കിന്റെ ഉയര്ച്ച എന്നും ആഗ്രഹിച്ച പ്രസിഡന്റ് ജെറി ഈശോ ഉമ്മനെ എല്ലാത്തിനും മുമ്പില് നിര്ത്തുവാനും ജോഷ്വാ മാത്യു ശ്രദ്ധിച്ചിരുന്നു. മൈലപ്രാ ബാങ്ക് ആരംഭിച്ച ക്രോക്കറി ഷോപ്പ്, അമൃത സൂപ്പര് മാര്ക്കറ്റ്, അമൃത ആട്ട ഫാക്ടറി, കര്ഷക ഷോപ്പ് …തുടങ്ങിയവ ഉദാഹരണങ്ങളാണ്. ക്രോക്കറി ഷോപ്പ് തുടങ്ങിയ അതെ വേഗത്തില് അത് അടച്ചുപൂട്ടിയെങ്കിലും ലോഡ് കണക്കിന് ക്രോക്കറി സാധനങ്ങള് എടുത്തതിന്റെ കമ്മീഷന് പലര്ക്കും ലഭിച്ചു. കെട്ടിടം വാടകയ്ക്ക് എടുത്തതിലും ഫര്ണീഷ് ചെയ്തതിലും പലര്ക്കും വെട്ടുമേനി ഉണ്ടായിരുന്നു. >>> തുടരും .. ജോഷ്വാ മാത്യുവിനെ സഹായിച്ചത് സഹകരണ വകുപ്പിലെ ഉദ്യോഗസ്ഥര്
