പത്തനംതിട്ട : നഗരസഭ പതിനാറാം വാർഡിലെ മൈലാടും പാറ താഴത്ത് ഹെൽത്ത് ആൻഡ് വെൽനെസ്സ് സെന്ററിന്റെ നിർമ്മാണം പുരോഗമിക്കുന്നു. പതിനഞ്ചാം ധനകാര്യ കമ്മീഷൻ നഗരസഭയ്ക്ക് അനുവദിച്ച 1 കോടി 33 ലക്ഷം രൂപ ചിലവഴിച്ച് നിർമ്മിക്കുന്ന മൂന്ന് വെൽനെസ് സെന്ററുകളിൽ രണ്ടാമത്തേതാണ് മൈലാടുപാറ താഴത്തേത്. പത്തനംതിട്ട നഗരസഭ വിഭാവനം ചെയ്യുന്ന സമഗ്ര ആരോഗ്യ പരിപാലന പദ്ധതിയുടെ ഭാഗമായാണ് പതിനഞ്ചാം ധനകാര്യ കമ്മീഷൻ ഗ്രാന്റ് ഉപയോഗിച്ച് സെന്ററുകൾ ആരംഭിക്കുന്നത്. നഗരത്തിലെ മാത്രമല്ല സമീപ പ്രദേശങ്ങളിലെയും ജനങ്ങളുടെ ആരോഗ്യ സുരക്ഷക്ക് വലിയ സംഭാവന നൽകാൻ ഈ ആരോഗ്യ കേന്ദ്രങ്ങളുടെ പ്രവർത്തനത്തിലൂടെ സാധിക്കും.
നഗരത്തിലെ ആരോഗ്യ മേഖലയുടെ സമഗ്ര വികസനത്തിന് മുതൽക്കൂട്ടാവുകയാണ് നഗരസഭയുടെ ഈ ഇടപെടലുകളെന്ന് ആരോഗ്യകേന്ദ്രത്തിന്റെ നിർമ്മാണ പുരോഗതി വിലയിരുത്തി നഗരസഭാധ്യക്ഷൻ അഡ്വ. ടി സക്കീർ ഹുസൈൻ പറഞ്ഞു. നഗരസഭാ ആരോഗ്യ സ്റ്റാന്റിംഗ് കമ്മിറ്റി ചെയർമാൻ ജെറി അലക്സ് ഒപ്പമുണ്ടായിരുന്നു. ഓരോ ആരോഗ്യ കേന്ദ്രത്തിലും പരിശോധന മുറി, നിരീക്ഷണ മുറി, കാത്തിരിപ്പുകേന്ദ്രം, വെൽനെസ്സ് റൂം ശൗചാലയം, ഫാർമസി, നേഴ്സിങ് സ്റ്റേഷൻ, ലാബ് കം സ്റ്റോർ എന്നീ സൗകര്യങ്ങൾ ഉണ്ടാവും. ഒരു മെഡിക്കൽ ഓഫീസറുടെ നേതൃത്വത്തിൽ സ്റ്റാഫ്നേഴ്സ്, ഫാർമസിസ്റ്റ്, മൾട്ടി പർപ്പസ് വർക്കർ, ക്ലീനിങ് സ്റ്റാഫ് എന്നിവർ ഓരോ കേന്ദ്രത്തിലും സേവനത്തിനായി ഉണ്ടാവും.
നഗരത്തിലെ പൊതുജനാരോഗ്യ വിപുലീകരണം ലക്ഷ്യം വെച്ചുള്ള മൂന്ന് വെൽനെസ്സ് സെന്ററുകളോടൊപ്പം ഒരു പോളി ക്ലിനിക്കുമാണ് നഗരസഭ ആരംഭിക്കുന്നത്. കുമ്പഴ നഗര പ്രാഥമികാരോഗ്യ കേന്ദ്രത്തിൽ പോളി ക്ലിനിക്കിന്റെ നിർമ്മാണ പ്രവർത്തനങ്ങൾ നടന്നു വരികയാണ്. ഇവിടെ ജനറൽ മെഡിസിൻ, ശിശുരോഗ വിഭാഗം, ഗൈനക്കോളജി, ത്വക്ക് രോഗ വിഭാഗം, നേത്ര ചികിത്സാ വിഭാഗം, മാനസികാരോഗ്യ വിഭാഗം, ദന്താരോഗ്യ വിഭാഗം, പാലിയേറ്റീവ് മെഡിസിൻ, ഫിസിയോതെറാപ്പി തുടങ്ങി വിദഗ്ധ ചികിത്സ ലഭ്യമാക്കും. നഗരസഭ ചെയർമാൻ അധ്യക്ഷനായുള്ള സമിതിയെയാണ് പ്രവർത്തനങ്ങളുടെ സമയബന്ധിത നിർവഹണം ഉറപ്പു വരുത്താൻ ധനകാര്യ കമ്മീഷൻ നിശ്ചയിച്ചിട്ടുള്ളത്. ആരോഗ്യ സ്റ്റാൻഡിങ് കമ്മിറ്റി ചെയർമാനും ജില്ലാ മെഡിക്കൽ ഓഫീസറും ഈ കമ്മറ്റിയിലെ അംഗങ്ങളാണ്.
പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം
മലയാളത്തിലെ പ്രമുഖ ന്യൂസ് പോര്‍ട്ടലുകളില്‍ ഒന്നായ പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം. ഗൂഗിള്‍ മലയാളത്തില്‍ ടൈപ്പ് ചെയ്ത വാര്‍ത്തയോടൊപ്പം ഉചിതമായ ചിത്രവും നല്‍കേണ്ടതാണ്. വാര്‍ത്തയുടെ ആധികാരികതക്ക് ആവശ്യമായ രേഖകളും ഇതോടൊപ്പം നല്‍കണം. പത്രത്തില്‍ പ്രസിദ്ധീകരിച്ചതും കാലഹരണപ്പെട്ടതുമായ വാര്‍ത്തകള്‍ പ്രസിദ്ധീകരിക്കുന്നതല്ല. വാര്‍ത്തകള്‍ പ്രസിദ്ധീകരിക്കുന്നതിനോ തിരസ്കരിക്കുന്നതിനോ ഉള്ള അവകാശം എഡിറ്റോറിയല്‍ ബോര്‍ഡില്‍ നിക്ഷിപ്തമായിരിക്കും. രഹസ്യ സ്വഭാവമുള്ള വാര്‍ത്തകളും വിവരങ്ങളും ചീഫ് എഡിറ്റര്‍ക്ക് കൈമാറാം. ഇന്‍ഫോര്‍മറെക്കുറിച്ചുള്ള വിവരങ്ങള്‍ അതീവ രഹസ്യമായി സൂക്ഷിക്കുന്നതാണ്.
———————–
വാര്‍ത്തകള്‍ നല്‍കുവാന്‍ വാട്സാപ്പ് 751045 3033/ 94473 66263 mail – [email protected]
———————–
ന്യുസ് പോര്‍ട്ടലില്‍ പരസ്യം നല്‍കുവാന്‍ 702555 3033/ 0468 295 3033 / mail – [email protected]
———————-
ചീഫ് എഡിറ്റര്‍ – 94473 66263, 85471 98263, 0468 2333033
