അടൂര്‍ : അടൂര്‍ താലൂക്ക് സപ്ലൈ ഓഫീസറുടെ നേതൃത്വത്തില്‍ സിവില്‍ സപ്ലൈസ് വകുപ്പും ലീഗല്‍ മെട്രോളജി വകുപ്പും ചേര്‍ന്ന് പരിശോധന നടത്തി. അടൂര്‍, പറക്കോട്, കൊടുമണ്‍ മേഖലകളിലെ 12 മെഡിക്കല്‍ സ്റ്റോറുകളില്‍ നിന്ന് പരിശോധനയില്‍ നിയമാനുസൃത രേഖപ്പെടുത്തലുകളില്ലാത്തതും നിലവാരമില്ലാത്തതുമായ എന്‍ 95 മാസ്‌കുകള്‍ പിടിച്ചെടുക്കുകയും 15,000 രൂപ പിഴയീടാക്കുകയും ചെയ്തു.
പരിശോധനയില്‍ അടൂര്‍ താലൂക്ക് സപ്ലൈ ഓഫീസര്‍ എം.അനില്‍, ലീഗല്‍ മെട്രോളജി ഇന്‍സ്‌പെക്ടര്‍ അതുല്‍, അസി. താലൂക്ക് സപ്ലൈ ഓഫീസര്‍ എ.ദിലീപ് കുമാര്‍, റേഷനിംഗ് ഇന്‍സ്‌പെക്ടര്‍ ടി.എസ് സുരേഷ് ബാബു, അസി.ലീഗല്‍ മെട്രോളജി ഇന്‍സ്‌പെക്ടര്‍ സന്തോഷ് എന്നിവര്‍ പങ്കെടുത്തു.
