പത്തനംതിട്ട : ഒമാനില് കോവിഡ് ബാധിച്ച് പത്തനംതിട്ട സ്വദേശി മരിച്ചു. മാക്കാംകുന്ന് പ്രതീക്ഷ ഭവനില് റിട്ട. പ്രൊഫസര് വില്സണ് വര്ക്കിയുടെയും പത്തനംതിട്ട എസ്.ബി.ഐ റിട്ട. അസിസ്റ്റന്റ് മാനേജർ ഷേർലി തോമസിന്റെയും മകന് രോഹന് വര്ഗീസ് വില്സണ് (33)ആണ് ബര്ഖയിലെ സ്വകാര്യ ആശുപത്രിയില് മരിച്ചത്.
കൊവിഡ് ബാധിച്ച് കഴിഞ്ഞ രണ്ടാഴ്ചയായി ചികിത്സയിലായിരുന്ന രോഹന് വര്ഗീസിന് ന്യൂമോണിയ മൂര്ച്ഛിക്കുകയായിരുന്നു. ഒമാന് ആരോഗ്യ മന്ത്രാലയത്തിന്റെ കീഴിലുള്ള റുസ്താഖ് സര്ക്കാര് ആശുപത്രി മോര്ച്ചറിയില് സൂക്ഷിച്ചിരിക്കുന്ന മൃതശരീരം നടപടിക്രമങ്ങള്ക്ക് ശേഷം പിന്നീട് സംസ്കരിക്കും.
