കീവ് : അംഗരാജ്യമല്ലാത്ത യുക്രൈന് വേണ്ടി റഷ്യയ്ക്ക് എതിരെ സംയുക്ത സൈനികനീക്കം നടത്തേണ്ടതില്ല എന്ന് നാറ്റോ (നോര്ത്ത് അറ്റ്ലാന്റിക് ട്രീറ്റി ഓര്ഗനൈസേഷന്) തീരുമാനം. നാറ്റോയുടെ അംഗരാജ്യങ്ങളില് പലരും സ്വന്തം നിലയ്ക്ക് യുക്രൈന് സൈനികസഹായം നല്കിയേക്കാമെങ്കിലും നാറ്റോ ഒരു സംഘടന എന്ന നിലയില് ഒരു തരത്തിലും സംയുക്ത സൈനിക നീക്കത്തിനില്ല എന്നും പ്രഖ്യാപിക്കുന്നു.
ഒരു മഹാമാരി ലോകത്തെ കീഴടക്കിയ കാലത്ത് ലോകത്തെ ഏറ്റവും വലിയ രണ്ടാമത്തെ സൈനികശക്തിയായ റഷ്യയ്ക്ക് എതിരെ ഒരു സൈനിക നീക്കത്തിന് നാറ്റോയില്ല എന്നാണ് തീരുമാനിച്ചിരിക്കുന്നത്. സംയുക്തസൈനിക നീക്കം നടത്തുമെന്ന് പ്രഖ്യാപിച്ചിരുന്നെങ്കില് അത് മറ്റൊരു ലോകയുദ്ധത്തിന് വഴി വെച്ചേനെ എന്നും വിദേശകാര്യ വിദഗ്ധര് നിരീക്ഷിക്കുന്നു.
ഉക്രൈനിലുള്ള മലയാളികളെക്കുറിച്ച് വിവരങ്ങള് അറിയിക്കാന് ഇന്ത്യന് എംബസി ഏര്പ്പെടുത്തിയിട്ടുള്ള +380997300483, +380997300428 എന്നീ നമ്പറുകളിൽ ബന്ധപ്പെടാവുന്നതാണ്. വിദേശകാര്യമന്ത്രാലയത്തിന്റെ 1800 118797 എന്ന ടോള് ഫ്രീ നമ്പരും +911123012113, +911123014104, +911123017905 എന്നീ നമ്പറുകളും പ്രയോജനപ്പെടുത്താം. കൂടാതെ യുക്രൈനിലെ മലയാളികളുടെ വിവരങ്ങള് നോര്ക്കയില് അറിയിക്കാന് ആഗ്രഹിക്കുന്ന നാട്ടിലെ ബന്ധുക്കള്ക്ക് നോര്ക്ക റൂട്ട്സിന്റെ 1800 425 3939 എന്ന ടോള് ഫ്രീ നമ്പറിലും ബന്ധപ്പെടാവുന്നതാണ്. [email protected] എന്ന ഇ-മെയിലിലോ അറിയിക്കാം.
