തിരുവനന്തപുരം: തിരുവനന്തപുരം നെടുമങ്ങാട് ജില്ലാ ആശുപത്രിയില് ചികിത്സ കിട്ടാതെ ഒന്നര വയസുകാരി മരിച്ചെന്ന് പരാതി. നെടുമങ്ങാട് കരകുളം ചെക്കക്കോണം സുജിത്-സുകന്യ ദമ്പതികളുടെ ഒന്നര വയസുള്ള മകള് ആര്ച്ച ആണ് മരണപ്പെട്ടത്. ആശുപത്രിയില് ഇന്ന് രാവിലെ ചികിത്സയ്ക്ക് എത്തിയശേഷം വീട്ടിലേക്ക് പോയിരുന്നു. എന്നാല് പതിനൊന്ന് മണിയോടെ കുട്ടിയുടെ മരണം സംഭവിക്കുകയായിരുന്നു. കുട്ടിയുടെ മരണത്തില് നെടുമങ്ങാട് പോലീസ് അസ്വാഭാവിക മരണത്തിന് കേസെടുത്തു.
അതേസമയം, കുട്ടിയുടെ മരണത്തില് മരണത്തില് ചികിത്സാ പിഴവ് ആരോപിച്ച് ആശുപത്രിക്ക് മുന്പിന് നാട്ടുകാര് പ്രതിഷേധിച്ചു. പനിയും ചുമയും കാരണം കുറച്ച് ദിവസങ്ങളായി കുട്ടി ചികിത്സയിലായിരുന്നു. ഇതിനിടെയാണ് ഇന്ന് രാവിലെ നെടുമങ്ങാട് ആശുപത്രിയിലെത്തിയത്. ഇവിടെ നിന്ന് ചികിത്സ തേടിയതിന് പിന്നാലെ കുട്ടി മരിക്കുകയായിരുന്നു. ഇന്ക്വസ്റ്റ് നടപടികള് പൂര്ത്തിയാക്കി മൃതദ്ദേഹം മെഡിക്കല് കോളേജ് ആശുപത്രിയിലേക്ക് മാറ്റി.
