രാമനാഥപുരം: തമിഴ്നാട്ടിലെ ഒരു ഗ്രാമത്തില് മഞ്ഞളും ആര്യവേപ്പും കലര്ത്തിയ വെള്ളം തെരുവുകളില് തളിച്ചു. മുതുക്കുളത്തൂര് ജില്ലയിലെ പേരയ്യൂര് ഗ്രാമത്തിലെ തെരുവുകളിലാണ് വീപ്പകളില് കൊണ്ടുവന്ന മഞ്ഞള്- ആര്യവേപ്പ് കലര്ത്തിയ വെള്ളം തളിച്ചത്.
നേരത്തേ മഞ്ഞള് പാലില് ചേര്ത്തു കുടിച്ചാല് കൊറോണയെ കൊല്ലാമെന്നും മഞ്ഞളും ചെറുനാരങ്ങയും ഉപയോഗിച്ചാല് കോവിഡ് ബാധ ഭേദമാകുമെന്ന അവകാശവാദമുന്നയിച്ചും നിരവധി പേര് രംഗത്തെത്തിയിരുന്നു. കൊറോണ വൈറസിനെ കൊല്ലാന് ഗോമൂത്രത്തിന് സാധിക്കുമെന്ന് ചൂണ്ടിക്കാട്ടി ഹിന്ദുമഹാസഭയും രംഗത്തെത്തിയിരുന്നു.
മഞ്ഞള് ആര്യവേപ്പ് വെള്ളം തളിച്ചതിന് ശേഷം പ്രദേശത്ത് ബ്ലീച്ചിങ് പൗഡര് വിതറുകയും ചെയ്തു. മഞ്ഞളും ആര്യവേപ്പും അണുനാശിനിയായാണ് ഉപയോഗിക്കുന്നതെന്ന് ഗ്രാമവാസികളില് ഒരാള് പറഞ്ഞു. രാമനാഥപുരം ജില്ലയില് സംസ്ഥാന ആരോഗ്യ വകുപ്പിന്റെയും ജില്ല ഭരണകൂടത്തിന്റെയും നേതൃത്വത്തില് ബോധവല്ക്കരണ ക്ലാസുകള് സംഘടിപ്പിച്ചിരുന്നു. തമിഴ്നാട്ടില് പുതുതായി 17 പേര്ക്കാണ് കോവിഡ് ബാധ സ്ഥിരീകരിച്ചത്. ഇതോടെ സംസ്ഥാനത്തെ രോഗബാധിതരുടെ എണ്ണം 67 ആയി.
