ഡല്‍ഹി : രാജ്യത്തെ എട്ട്‌ ഹൈക്കോടതിയിലേക്ക്‌ പുതിയ ചീഫ് ജസ്റ്റിസുമാരെ ശുപാര്‍ശ ചെയ്‌ത്‌ കൊളീജിയം.അലഹബാദ്, ഗുജറാത്ത്, കല്‍ക്കത്ത, ആന്ധ്രപ്രദേശ്, കര്‍ണാടക, തെലങ്കാന, മേഘാലയ, മധ്യപ്രദേശ് എന്നീ ഹൈകോടതികളിലേക്കാണ് ജഡ്ജിമാരെ ശിപാര്‍ശ ചെയ്തത്.
ത്രിപുര ഹൈകോടതി ചീഫ് ജസ്റ്റിസ് ആഖില്‍ ഖുറേശി ഉള്‍പ്പെടെ അഞ്ചു ചീഫ് ജസ്റ്റിസുമാരേയും 28 ഹൈകോടതി ജഡ്ജിമാരെയും മാറ്റി നിയമിക്കാനും നിര്‍ദേശിച്ചു. വ്യാഴാഴ്ചയും വെള്ളിയാഴ്ചയുമായി നടന്ന മാരത്തണ്‍ യോഗത്തിലാണ് ശിപാര്‍ശ. പശ്ചിമ ബംഗാളിലെ ബി.ജെ.പി – തൃണമൂല്‍ രാഷ്ട്രീയ പോരുമായി ബന്ധപ്പെട്ട വിഷയങ്ങളില്‍ ഭരണപരവും നിയമപരവുമായ തീരുമാനങ്ങളോടെ വാര്‍ത്തകളില്‍ ഇടം നേടിയ വ്യക്തിയാണ് കല്‍ക്കത്ത ഹൈകോടതിയിലെ ആക്ടിങ് ചീഫ് ജസ്റ്റിസ് രാജേഷ് ബിന്ദാല്‍
