ന്യൂഡൽഹി : രാജ്യത്ത് 24 മണിക്കൂറിനിടെ 8,895 പേർക്ക് പുതുതായി കോവിഡ് സ്ഥിരീകരിച്ചതായി ആരോഗ്യ മന്ത്രാലയം. 2796 മരണവും സ്ഥിരീകരിച്ചു. രാജ്യത്ത് 99,155 പേരാണ് ചികിത്സയിലുള്ളത്. ബിഹാറാണ് ഏറ്റവും കൂടുതൽ മരണം റിപ്പോർട്ട് ചെയ്ത സംസ്ഥാനം. 2426 മരണങ്ങളാണ് സംസ്ഥാനത്ത് റിപ്പോർട്ട് ചെയ്തത്. കേന്ദ്രസർക്കാറിന്‍റെ പുതിയ മാർഗനിർദേശം അനുസരിച്ചാണ് ഈ മരണങ്ങൾ കൂട്ടിച്ചേർത്തതെന്നും ആരോഗ്യമന്ത്രാലയം അറിയിച്ചു. രാജ്യത്ത് കോവിഡ് ബാധിച്ച് മരിച്ചവരുടെ എണ്ണം 4,73,326 ആയി.
ലോകത്ത് കൊറോണ വൈറസിന്‍റെ ഏറ്റവും പുതിയ വകഭേദമായ ഒമിക്രോൺ മൂന്ന് സംസ്ഥാനങ്ങളിൽ റിപ്പോർട്ട് ചെയ്തു. കർണാടക, ഗുജറാത്ത്, മഹാരാഷ്ട്ര എന്നിവിടങ്ങളിലാണ് രോഗം സ്ഥിരീകരിച്ചത്. കർണാടകയിൽ രണ്ടുപേർക്കാണ് രോഗബാധ. നാലുപേരും വിദേശത്തു നിന്ന് മടങ്ങിയെത്തിയവരാണ്.
