പരുമല : കേന്ദ്രസർക്കാർ പാസാക്കിയ പുതിയ കടൽഖനന നിയമം പിൻവലിക്കണമെന്ന് മത്സ്യത്തൊഴിലാളി യൂണിയൻ (സിഐടിയു) പത്തനംതിട്ട ജില്ലാ സമ്മേളനം ആവശ്യപ്പെട്ടു. കേരളത്തിന്റെ ഉൾപ്പെടെയുള്ള കടൽത്തീരങ്ങളിലെ വൻതോതിലുള്ള മത്സ്യസമ്പത്തിന്റെ നാശത്തിനു കാരണമാകുമെന്ന് സമ്മേളനം അംഗീകരിച്ച പ്രമേയത്തിൽ പറയുന്നു. സിഐടിയു ജില്ലാ പ്രസിഡന്റ് എസ്. ഹരിദാസ് ഉദ്ഘാടനം ചെയ്തു. യൂണിയൻ ജില്ലാ പ്രസിഡന്റ് അസീസ് റാവുത്തർ അധ്യക്ഷത വഹിച്ചു.
കവി എൻ.എസ്. സുമേഷ് കൃഷ്ണൻ മികച്ച വിജയംനേടിയ വിദ്യാർഥികൾ, മുതിർന്ന മത്സ്യത്തൊഴിലാളികൾ എന്നിവരെ ആദരിച്ചു. മുഹമ്മദ് കബീർ പതാകയുയർത്തി. ജില്ലാ ട്രഷറർ അഡ്വ. ആർ. സനൽകുമാർ, ജില്ലാ വൈസ് പ്രസിഡന്റ് അഡ്വ. കെ. പ്രകാശ് ബാബു, സിപിഎം ഏരിയ സെക്രട്ടറി ബിനിൽകുമാർ, സിഐടിയു ജില്ലാ സെക്രട്ടറി സക്കീർ അലങ്കാരത്ത്, ഏരിയ സെക്രട്ടറി കെ. ബാലചന്ദ്രൻ, ജോസഫ് തോമസ്, ഷിബു വർഗീസ്, ബെന്നി മാത്യു എന്നിവർ പ്രസംഗിച്ചു.
