ഹരിപ്പാട്: ‘അഞ്ചുലക്ഷം രൂപയുടെ ഫര്‍ണിച്ചര്‍. നാലുമാസത്തെ പഴക്കംമാത്രം. 95,000 രൂപകൊടുത്താല്‍ വീട്ടിലെത്തിക്കും. അതും സിആര്‍പിഎഫിന്റെ വണ്ടിയില്‍’, ചിത്രങ്ങള്‍ സഹിതം സൈബറിടത്തില്‍ കറങ്ങിനടക്കുന്ന തട്ടിപ്പിന്റെ പുതിയ ചൂണ്ടയാണിത്. കൊത്തിയാല്‍ പണം പോയതുതന്നെ. സ്ഥലംമാറ്റം പെട്ടന്നായതിനാല്‍ വീട്ടിലെ ഫര്‍ണിച്ചര്‍ വിറ്റുപോകുകയാണെന്നാണു പ്രചാരണം. കഴിഞ്ഞ ദിവസങ്ങളില്‍ ഒട്ടേറെപ്പേര്‍ക്ക് ഫെയ്‌സ്ബുക്കിലൂടെ ഈ സന്ദേശം കിട്ടി. ഏതെങ്കിലും പ്രമുഖന്റെ പേരിലാകും സന്ദേശം. കോണ്‍ഗ്രസ് നേതാവ് കെ.സി. വേണുഗോപാലിന്റെ വ്യാജ ഫെയ്‌സ്ബുക്ക് അക്കൗണ്ടിലൂടെ ഹരിപ്പാട്ടെ അഭിഭാഷകന്‍ ശിവപ്രസാദിനും സന്ദേശം കിട്ടി.
എംപിയുടെ വ്യാജ ഫെയ്‌സ്ബുക്ക് അക്കൗണ്ടില്‍നിന്ന് സുഖവിവരം അന്വേഷിച്ചുള്ള സന്ദേശമാണ് ശിവപ്രസാദിന് ആദ്യം വന്നത്. പിന്നാലെ ഫോണ്‍നമ്പര്‍ ആവശ്യപ്പെട്ടു. കോണ്‍ഗ്രസ് പ്രവര്‍ത്തകനായ ശിവപ്രസാദ്, കെ.സി. വേണുഗോപാലിന്റെ സന്ദേശമാണെന്നു വിശ്വസിച്ച് നമ്പര്‍ നല്‍കി. സിആര്‍പിഎഫ് ഓഫീസറായ തന്റെ സുഹൃത്ത് സുമിത് കുമാറിന്റെ ഫര്‍ണിച്ചര്‍ വില്‍ക്കാനുണ്ടെന്നും അയാള്‍ ബന്ധപ്പെടുമെന്നും പിന്നാലെ അറിയിച്ചു. തുടര്‍ന്നുള്ള സന്ദേശങ്ങള്‍ വാട്സാപ്പിലൂടെയായിരുന്നു. കട്ടിലും തീന്‍മേശയും സെറ്റിയും അലമാരയും ഉള്‍പ്പെടെ മുന്തിയഫര്‍ണിച്ചറിന്റെ ചിത്രങ്ങള്‍ അയച്ചുകൊടുത്തു. ടിവി, റഫ്രിജറേറ്റര്‍, കുട്ടികളുടെ സൈക്കിള്‍ തുടങ്ങിയവയുമുണ്ടായിരുന്നു.
അഞ്ചുലക്ഷത്തിലധികം രൂപ വിലവരുന്ന സാധനങ്ങളുടെ ചിത്രങ്ങള്‍. ആവശ്യപ്പെട്ടത് 95,000 രൂപയും. അഡ്വാന്‍സ് കൊടുത്താല്‍ കച്ചവടം ഉറപ്പാക്കാമെന്നായിരുന്നു വാഗ്ദാനം. സംശയംതോന്നിയ ശിവപ്രസാദ്, എം.പി.യുടെ ഓഫീസിലേക്കു വിളിച്ചതോടെയാണ് തട്ടിപ്പു മനസ്സിലായത്. ഐഎഎസ് ഉദ്യോഗസ്ഥരുടെ പേരിലും സമാനരീതിയില്‍ തട്ടിപ്പിന് ശ്രമം നടന്നിട്ടുണ്ട്. ശിവപ്രസാദ് പോലീസില്‍ പരാതി നല്‍കി. ഇദ്ദേഹത്തിന്റെ മൊഴിയുടെ അടിസ്ഥാനത്തില്‍ സൈബര്‍ വിഭാഗം അന്വേഷണം തുടങ്ങി. വാട്സാപ്പ് സന്ദേശമയച്ച ഫോണ്‍നമ്പരിന്റെ ഉടമയെ കണ്ടെത്താനുള്ള ശ്രമം തുടങ്ങിയിട്ടുണ്ട്.
പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം
മലയാളത്തിലെ പ്രമുഖ ന്യൂസ് പോര്‍ട്ടലുകളില്‍ ഒന്നായ പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം. ഗൂഗിള്‍ മലയാളത്തില്‍ ടൈപ്പ് ചെയ്ത വാര്‍ത്തയോടൊപ്പം ഉചിതമായ ചിത്രവും നല്‍കേണ്ടതാണ്. വാര്‍ത്തയുടെ ആധികാരികതക്ക് ആവശ്യമായ രേഖകളും ഇതോടൊപ്പം നല്‍കണം. പത്രത്തില്‍ പ്രസിദ്ധീകരിച്ചതും കാലഹരണപ്പെട്ടതുമായ വാര്‍ത്തകള്‍ പ്രസിദ്ധീകരിക്കുന്നതല്ല. വാര്‍ത്തകള്‍ പ്രസിദ്ധീകരിക്കുന്നതിനോ തിരസ്കരിക്കുന്നതിനോ ഉള്ള അവകാശം എഡിറ്റോറിയല്‍ ബോര്‍ഡില്‍ നിക്ഷിപ്തമായിരിക്കും. രഹസ്യ സ്വഭാവമുള്ള വാര്‍ത്തകളും വിവരങ്ങളും ചീഫ് എഡിറ്റര്‍ക്ക് കൈമാറാം. ഇന്‍ഫോര്‍മറെക്കുറിച്ചുള്ള വിവരങ്ങള്‍ അതീവ രഹസ്യമായി സൂക്ഷിക്കുന്നതാണ്.
———————–
വാര്‍ത്തകള്‍ നല്‍കുവാന്‍ വാട്സാപ്പ് 751045 3033/ 94473 66263 mail – [email protected]
———————–
ന്യുസ് പോര്‍ട്ടലില്‍ പരസ്യം നല്‍കുവാന്‍ 702555 3033/ mail – [email protected]
———————-
ചീഫ് എഡിറ്റര്‍ – 94473 66263, 85471 98263, 0468 2333033
