തിരുവല്ല : 115 വർഷം പിന്നിട്ട നിക്കോൾസൺ സിറിയൻ ഗേൾസ് ഹയർസെക്കൻഡറി സ്കൂളിന്റെ പൂർവ വിദ്യാർത്ഥിനി സമ്മേളനം ഡോ. തിയഡോഷ്യസ് മാർത്തോമ്മാ മെത്രാപ്പോലീത്തയുടെ നേതൃത്വത്തിൽ സ്കൂൾ ഓഡിറ്റോറിയത്തിൽ നടത്തി. സനാതന ജീവിതമൂല്യങ്ങൾ വിദ്യാർത്ഥിനികളെ അഭ്യസിപ്പിക്കുവാൻ നിക്കോൾസൺ സ്കൂൾ കാട്ടിയ മാതൃക ശ്ലാഘനിയമാണെന്ന് തിരുമേനി ഉദ്ഘാടന പ്രസംഗത്തിൽ ഓർമിപ്പിച്ചു. ആത്മ ചെയർപേഴ്സൺ സിജിയ ബിനു മാനസികാരോഗ്യം മെച്ചപ്പെടുത്തൽ എന്ന വിഷയത്തെ അധികരിച്ച് ക്ലാസ് എടുത്തു.
പങ്കെടുത്ത എല്ലാ പൂർവ വിദ്യാർത്ഥിനികളും തങ്ങളുടെ തിളക്കമാർന്ന ഓർമ്മകൾ പങ്കുവെച്ചു. വിവിധ ഗെയിംസുകൾ ഏവരെയും ആഹ്ലാദ ഭരിതരാക്കി. യോഗത്തിൽ സഭാ ട്രസ്റ്റി അഡ്വ.അൻസിൽ സക്കറിയ കോമാട്ട്, റവ.ജോർജ് മാത്യു, മാനേജർ ഗീതാ ടി.ജോർജ് , സ്കൂൾ ബോർഡ് അംഗങ്ങളായ ടിജു എം.ജോർജ്, ഡോ.അന്ന മാത്യു, വിജി മാമൻ, വത്സ ജേക്കബ്, പ്രൊഫ.ഗീത ആനി ജോർജ്, റവ.പ്രകാശ് ഏബ്രഹാം, പ്രിൻസിപ്പൽമാരായ ജയാ സാബു ഉമ്മൻ, മെറിൻ മാത്യു എന്നിവർ പ്രസംഗിച്ചു.
